प्रतिलिटर १ रुपैयाँ घट्यो डिजेल र मट्टितेलको मूल्य
वि.सं.२०८१ कात्तिक १६ शुक्रवार
काठमाडौं । नेपाल आयल निगमले डिजेल र मट्टितेलको मूल्य घटाएको छ । निगम सञ्चालक समितिको बिहीबार बसेको बैठकले डिजेल र मट्टितेलको साविकको बिक्री मूल्यमा प्रतिलिटर १ रुपैयाँ घटाएको हो ।
मूल्य समायोजनसँगै पहिलो वर्गका लागि डिजेल प्रतिलिटर १ सय ४७ रुपैयाँ ५० पैसा, दोस्रो वर्गका लागि १ सय ४९ रुपैयाँ र तेस्रो वर्गका लागि प्रतिलिटर १ सय ५० रुपैयाँ कायम भएको छ ।
इन्डियन आयल कर्पोरेसनबाट बिहीबार प्राप्त नयाँ खरिद मूल्यअनुसार प्रतिलिटर पेट्रोलमा ०.२५ र डिजेलमा १.०४ रुपैयाँले घटेर आएकाले मूल्य समायोजन गरिएको निगमले जनाएको छ ।
प्रकाशित समय : १०:३१ बजे
