२७ वैशाख, काठमाडौँ–आज (सोमबार) सेयर बजारमा हरीयाली छाएको छ । यो दिन नेप्से दोहोरो अंकले बढेको हो ।

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक २७.४१ अंकले बढेर २६४५.८४ मा पुगेको छ । नेप्से १.०५ प्रतिशतले बढेको हो । यस्तै ठूला कम्पनीको सेयर मापक सेन्सेटिभ परिसूचक ४.३५ अंकले बढेर ४७५.१२ मा पुगेको छ ।
कूल २१८ वटा कम्पनीको ७५ लाख ७९ हजार ३ कित्ता सेयर खरिदबिक्री हुँदा ४ अर्ब २० करोड ३८ लाख ३२ हजार ७ सय ८९ रूपैयाँको कारोबार भएको नेप्सेले जनाएको छ ।
स्टकका अनुसार कारोबार भएका कूल १३ उपसमूहमध्ये आज सबै उपसमूहको सेयर बढेको छ ।
आज कारोबार रकमको आधारमा नेपाल पुनर्बीमा कम्पनीले अग्रता कायम गरेको छ । कम्पनीले २१ करोड २३ लाख ९५ हजार रुपैयाँ बराबरको कारोबार गरेको छ ।
त्यसैगरी, सोमबार ४ वटा कम्पनीको सेयर सकारात्मक सर्किट लेभलमा कारोबार भएको छ । जसमध्ये, राष्ट्रिय बीमा कम्पनी र राष्ट्रिय बीमा कम्पनीको संस्थापक सेयरमा सकारात्मक सर्किट लागेको छ र समता घरेलु लघुवित्त वित्तीय संस्था लिमिटेड तथा रूरू जलविद्युत परियोजना लिमिटेडको सेयर सकारात्मक सर्किट लेभलमा कारोबार भएको हो ।

कर्पाेरेट बजार

प्रकाशित समय : ११:११ बजे