२४ वैशाख, काठमाण्डौ । नेपाल एग्रो लघुवित्त वित्तीय संस्था लिमिटेडले चालु आर्थिकको तेस्रो त्रैमासमा नाफा २४५.५२ प्रतिशतले बढाएको छ । चैत मसान्तसम्म आउँदा कम्पनीले २ करोड ३५ लाख रुपैयाँ खुद नाफा आर्जन गर्न सफल भएको छ। यस्तो रकम गत आर्थिक वर्षको समिक्षा अवधिमा ६८ लाख १० हजार रहेको थियो ।

समीक्षा अवधिमा संस्थाको सञ्चालन घाटा ४ करोड २१ लाख रुपैयाँ पुगेको छ। गत वर्ष सञ्चालन मुनाफा ४१ लाख ९३ हजार रुपैयाँ रहेको थियो।
संस्थाले खुद ब्याज आम्दानी भने ७६.५२ प्रतिशतले बढाएर ५ करोड ११ लाख रुपैयाँ गरेको छ। गत वर्ष यस्तो आम्दानी २ करोड ८९ लाख रुपैयाँ रहेको छ।

समीक्षा अवधिमा संस्थाले ६५ करोड २ लाख रुपैयाँ सापटी लिई ९३ करोड ७८ लाख रुपैयाँ कर्जा परिचालन गरेको छ। गत वर्ष यही अवधिमा संस्थाले ५९ करोड ७३ लाख रुपैयाँ सापटी लिई ७१ करोड ५ लाख रुपैयाँ कर्जा परिचालन गरेको थियो। संस्थाले रिजर्भको आकार २०४.२१ प्रतिशतले बढाउँदै ४ करोड ९२ लाख रुपैयाँको उचाइमा पुर्याएको छ। गत वर्ष रिजर्भमा १ करोड ६१ लाख रुपैयाँ रहेको थियो।
सेयर क्यापिटल ५ करोड ७२ लाख रुपैयाँ रहेको संस्थाको वार्षिकीकृत प्रतिसेयर आम्दानी (ईपीएस) ५४.८१ रुपैयाँ रहेको छ। पीई रेसियो ६.५६ गुणा रहेको संस्थाको प्रतिसेयर नेटवर्थ १८६ रुपैयाँ रहेको छ।

कर्पाेरेट बजार

प्रकाशित समय : १३:२४ बजे