यस्तो रह्यो त नबिल बैंकको पहिलो त्रैमासको वित्तीय अवस्था ?
वि.सं.२०७८ कात्तिक १५ सोमवार
काठमाडौँ। नबिल बैंकले चालु आर्थिक वर्षको पहिलो त्रैमासको वित्तीय विवरण सार्वजनीक गरेको छ । बैंकले पहिलो त्रैमासमा १ अर्ब ११ करोड नाफा गरेको हो ।
बैंकले प्रकाशित गरेको चालु आर्थिक वर्षको पहिलो त्रैमासको वित्तीय विवरण अनुसार अघिल्लो वर्षभन्दा ११ करोड रुपैयाँले नाफा बढाएको हो । अघिल्लो आर्थिक वर्षको ३ महिनामा बैंकको नाफा १ अर्ब रहेको थियो ।
बैंकले ब्याज आम्दानीबाट २ अर्ब २४ करोड,कमिसनबाट ४४ करोड कमाएको छ । १३ अर्ब ८४ करोड चुक्ता पूँजी रहेको नबिल बैंकले असोज मसान्तसम्ममा २ खर्ब २५ अर्ब निक्षेप संकलन गरेर २ खर्ब ७ अर्ब कर्जा दिएको छ ।
पूँजीकोष अनुपात १३.५८ प्रतिशत छ । अघिल्लो वर्षको भन्दा खराब कर्जा अनुपात (एनपीएल) बढेको छ । असोज मसान्तसम्ममा बैंकको एनपीएल१.१३ प्रतिशत छ । अघिल्लो वर्ष असोज मसान्तमा बैंकको एनपिएल ०.६५ प्रतिशत थियो ।
६.११ प्रतिशत बेसरेट रहेको नबिल बैंकले ३.१८ प्रतिशत स्प्रेडदर रहेको छ ।
पहिलो त्रैमासको नाफाबाट बैंकले सेयरधनीलाई वितरण गर्न मिल्ने नाफा ८५ करोड गरेको छ । बैंकको इपिएस ३२.११ रुपैयाँ छ ।
२०७८ कात्तिक १५ गते प्रकाशित
प्रकाशित समय : १२:२५ बजे
