हिमालयन बैंकका नवनियुक्त अध्यक्ष श्रेष्ठले गरे पदबहाली
वि.सं.२०७८ असोज १९ मंगलवार
काठमाडौँ । हिमालयन बैंकका नवनियुक्त अध्यक्ष प्रचण्ड बहादुर श्रेष्ठले आजदेखि पदबहाली गरेका छन् । श्रेष्ठलाई नेपाल राष्ट्र बैंकका गभर्नर महाप्रसाद अधिकारीले आज पद तथा गोपनीयताको शपथ ग्रहण गराएका हुन्।
अध्यक्ष श्रेष्ठले शपथ ग्रहणपश्चात् आजै बैंक अध्यक्षको पदबहाली गरेको बैंकले जनाएको छ।
उनलाई बैंककका सञ्चालक समितिका सदस्य तथा प्रमुख कार्यकारी अधिकृत अशोक राणालगायत बैंकका वरिष्ठ अधिकृतहरुले स्वागत गरेका थिए।
श्रेष्ठलाई २०७८ असोज १३ गते बुधबारका दिन बसेको बैंकको ४११औँ सञ्चालक समितिको बैठकले अध्यक्ष चयन गरेको हो।
श्रेष्ठ विगत १९ वर्षदेखि निरन्तर हिमालयन बैंक लिमिटेडको सञ्चालक समितिका सदस्य थिए।
२०७८ असोज १९ गते प्रकाशित
प्रकाशित समय : १६:१९ बजे
