काठमाडौं। हुन्डाई मोटरले बुधबार आफ्नो पहिलो तीन सिट पंक्तिको विद्युतीय एसयूभी (थ्री-रो ईभी) आयोनिक ९ सार्वजनिक गरेको छ।

ठूलो परिवारलाई लक्षित गर्दै र यस प्रकारका गाडीहरूको बढ्दो बजारमा आफ्नो बलियो स्थान बनाउन कम्पनीले यो नयाँ गाडी ल्याएको हो।

साथै हुन्डाईको आयोनिक ९ नाम दिइएको यो गाडी सन् २०२५ को सुरुमा अमेरिका र दक्षिण कोरियाली बजारमा उपलब्ध गराइनेछ । यसको रेन्ज ४८२ किलोमिटरभन्दा बढी छ । युरोप र अरू बजारमा त्यसपछि गाडी उपलब्ध गराइने कोरियाली कम्पनीले जनाएको छ ।

मिनिभ्यान र अरू गाडीलाई विस्थापित गर्दै परिवार र साथीहरू एकसाथ सहर घुम्नेदेखि रोड ट्रिपमा जान थ्री–रो एसयूभी मुख्य साधन बन्दै गएको छ ।

गाडीको फिचर छिटो चार्जिङ सुविधा आयोनिक ९ फास्ट चार्जिङमार्फत २४ मिनेटमै १० प्रतिशतदेखि ८० प्रतिशतसम्म चार्ज गर्न सकिन्छ।

टेस्लाको सुपरचार्जरसँग अनुकूलता: यस गाडीलाई टेस्लाको सुपरचार्जर नेटवर्कबाट चार्ज गर्न सकिने सुविधा छ।

थ्री-रो ईभी बजारको प्रतिस्पर्धा
आयोनिक ९ सँग प्रतिस्पर्धा गर्न अन्य गाडी निर्माताहरूले पनि थ्री-रो ईभी ल्याउँदै छन्। लुसिड, जेनरल मोटर्स, भोल्भो र भिनफास्टजस्ता कम्पनीले हालै आफ्ना तीन पंक्तिका विद्युतीय एसयूभी सार्वजनिक गरेका छन्।

त्यस्तै लुसिड, जेनरल मोटर्स, भोल्भो, भिनफास्टलगायत कम्पनी थ्री–रो ईभी सार्वजनिक गर्ने तयारीमा छन् । भने हुन्डाईको कियाले समेत यो गाडी ल्याइसकेको छ ।

हुन्डाईको उक्त थ्री–रो आयोनिक ९ फास्ट चार्जिङबाट २४ मिनेटमा १० देखि ८० प्रतिशतसम्म चार्ज हुने जनाइएको छ ।