२४ वैशाख, काठमाडौं । एनएमबि बैंकले वार्षिक ८.५ प्रतिशत ब्याजदरमा जेठ २ गतेदेखि ऋणपत्र विक्रि खुला गर्न लागेको छ । बैंकले २ अर्ब बराबरको ऋणपत्र १० वर्षको लािग विक्रि गर्न लागेको हो । उक्त ऋणपत्र बैंकले ‘एनएमबि ऋणपत्र ८.५–२०८७÷८८’ नामले विक्रि गर्न लागेको हो ।
प्रति कित्ता १ हजार दरको कुल २० लाख कित्ता ऋणपत्र मध्ये १२ लाख कित्ता व्यक्तिगत तवरबाट विभिन्न संघसंस्थाहरुलाई र ८ लाख कित्ता सर्वसाधारणमा विक्री गर्नेछ । सर्वसाधारणका लागि छुट्याएको ८ लाखमध्ये ५ प्रतिशत दरको ४० लाख कित्ता सामूहिक लगानी कोषका लागि सुरक्षित गरी बाँकी ७ लाख ६० हजार कित्ता सार्वजनिक निष्कासनमा आउन लागेको हो ।

ऋणपत्र खरीदका लागि छिटोमा जेठ ५ र ढिलोमा जेठ १६ गतेसम्म आवेदन दिन सकिने व्यवस्था छ । न्यूनतम २५ कित्तादेखि अधिकतम ८ लाख कित्तासम्मका लागि आवेदन गर्न सकिने व्यवस्था छ । ऋणपत्र विक्री प्रबन्धकमा सिद्धार्थ क्यापिटल रहेको छ ।

कर्पाेरेट बजार

प्रकाशित समय : ०५:११ बजे