काठमाडौँ । नेपाल बंगलदेश बैंकले चालु आर्थिक वर्षको तेस्रो त्रैमासमा खुद नाफा ६३.०२ प्रतिशतले बढाउन सफल भएको छ । बैंकले समिक्षा अवधिमा १ अर्ब ६३ करोड मुनाफा कमाएको छ । जुन अघिल्लो आर्थिक वर्षको सोहि अवधिमा बैंकले १ अर्ब रहेको थियो ।
बैंकको अन्य संचालन मुनाफा पनि ५१४ प्रतिशतले बढेर १९ करोड २४ पुगेको छ । यद्यपी बैंकको खुद ब्याज आम्दानी भने ७.३५ प्रतिशतले घटेर १ अर्ब ९८ करोड कायम भएको छ । यस अवधिमा बैंकको वितरणयोग्य मुनाफा ९८ करोड ३२ लाख रहेको छ ।

समिक्षा अवधिमा बैंकको निक्षेप १०.३२ प्रतिशतले बढेर ७३ अर्ब २९ करोड पुगेको छ भने कर्जा प्रवाह १२.२१ प्रतिशतले बढेर ६६ अर्ब २७ करोड पुगेको छ । बैंकको खराब कर्जा २.७६ प्रतिशतबाट घटेर १.९१ प्रतिशत कायम भएको छ । ९ अर्ब चुक्ता पुँजी रहेको बैंकको रिजर्भमा ५ अर्ब ८९ करोड रहेको छ ।
यस अवधिमा बैंकको प्रति शेयर आम्दानी २४.२६ रुपैयाँ रहेको छ भने प्रति शेयर नेटवर्थ १६५.४६ रुपैयाँ रहेको छ ।

कर्पाेरेट बजार

प्रकाशित समय : ०३:२० बजे