काठमाडौं । सानिमा रिलायन्स लाइफ इन्स्योरेन्सको अभिकर्ता सीप विकास कार्यशाला सम्बन्धी कार्यक्रम सम्पन्न भएको छ ।

इन्स्योरेन्सको चाबहिल क्षेत्रका अभिकर्ताहरुको क्षमता अभिबृद्धि गर्ने तथा उत्कृष्ट अभिकर्ताहरुलाई सम्मान गर्ने उद्देश्यले आयोजित कार्यक्रम सम्पन्न भएको हो ।

कार्यक्रममा कम्पनीका चिफ बिजनेश अफिसर गुनराज श्रेष्ठले आाम नागरिकहरूलाई जीवन बीमा पोलिसीहरु बिक्री गर्ने कलाबारे अभिकर्ताहरूलाई प्रशिक्षित गरेका छन् । साथै उनले उत्कृष्ट कार्य सम्पादन गरिरहेका अभिकर्ताहरूलाई सम्मान समेत गरेका छन् ।

त्यस्तै, चिफ बिजनेश अफिसर सूर्य प्रकाश गुप्ताले अभिकर्ताहरुलाई आवश्यक पर्ने न्यूनतम् कुराबारे जानकारी गरेका छन् । उनले अभिकर्ताहरुलाई उत्कृष्ट कार्यसम्पादन गर्न प्रोत्साहन गर्नुका साथै बीमा पोलिसी तथा पोलिसी राइडरबारे समेत जानकारी गराएका छन् ।

कार्यक्रममा चिफ बिजनेश अफिसर गुनराज श्रेष्ठ, सूर्य प्रकाश गुप्ता र चाबहिल रिजनका २ सय अभिकर्ताहरुको सहभागीता रहेको थियो ।