back

सेयर कारोबार मार्फत हुने बैंकहरुको आम्दानी डेढ अर्बले घट्यो, हेर्नुहोस् कुन कुन बैंकको बढ्यो ‘नेट ट्रेडिङ्ग इनकम’

काठमाडौ । वाणिज्य बैंकहरुको सेयर कारोबारबाट हुने आम्दानी डेढ अर्बले घटेको छ। साथै (नेट ट्रेडिङ्ग इनकम) पनि प्रभावित भएको छ ।

हालचालै सेयर बजारमा आएको उत्तार चढावले वाणिज्य बैंकहरुको नेट ट्रेडिङ्ग इनमकम पनि प्रभावित भएको हो ।

बैंकहरुले सार्वजनिक गरेको चालु आर्थिक वर्षको तेस्रो त्रैमासिक वित्तीय रिर्पोट अनुसार सेयर कारोबारबाट हुने आम्दानीमा झण्डै डेढ अर्बले गिरावट आएको छ ।

जस अनुसार चालु आवको ९ महिनामा बैंकहरुको सेयर कारोबारबाट हुने आम्दानी ४ अर्ब ८ करोड ५२ लाख ५९ हजार रुपैयाँ कायम भएको छ । जुन गत आवको समिक्षा अवधिको तुलनामा २५.७४ प्रतिशले कमी हो । गत आवको चैत मसान्तसम्ममा बैंकहरुको नेट ट्रेडिङ्ग इनकम ५ अर्ब ५० करोड १६ लाख ७७ हजार रुपैयाँ रहेको थियो ।

बजार अस्थिर बन्दा बैंकहरुको यस्तो आम्दानीमा कमी आएको विज्ञहरु बताउँछन् । घट्दो सेयर बजार तथा नेपाल राष्ट्र बैंकले लिएको केही कसिलो नीतिका कारण पनि यस्तो आम्दानीमा संकुचन आएको हो । नियमनकारी निकायम नेपाल राष्ट्र बैंकले बैंकलाई चुक्ता पुँजीको १ प्रतिशत सेयर बजारमा लगानी गर्न पाउने सुविधा दिएको छ । सो सुविधामार्फत बैंकहरुले सेयर बजारमा गरेको लगानी नेट ट्रेडिङ इनकममा देखाउनुपर्ने प्रावधान छ ।

समिक्षा अवधिमा चार बैंकहरुको मात्रै ‘नेट ट्रेडिङ्ग इनकम’ वृद्धि भएको छ । बैंकहरुको वित्तीय रिपोर्टअनुसार सबैभन्दा धेरै आम्दानी माछापुच्छ्रे बैंकको वृद्धि भएको छ ।

बैंकले चालु आवको तेस्रो त्रैमाससम्ममा सेयर कारोबार मार्फत २७ करोड ३८ लाख ४८ हजार रुपैयाँ आम्दानी गरेको छ । जुन, गत आवको समिक्षा अवधिको तुलनामा भने ५०.८१ प्रतिशतले बढी हो । गत आवको चैत मसान्तसम्ममा बैंकको ‘नेट ट्रेडिङ्ग इनकम’ १८ करोड १५ लाख ७३ हजार रुपैयाँ रहेको थियो ।

चालु आवको ९ महिनामा नेपाल एसबिआई बैंकले सेयर कारोबार मार्फत २३ करोड ६६ लाख २५ हजार रुपैयाँ आम्दानी गरेको छ । जुन गत आवको समिक्षा अवधिको तुलनामा २९.१० प्रतिशतले बढी हो । गत आवको चैत मसान्तसम्ममा बैंकले १८ करोड ३२ लाख बढी आम्दानी गरेको थियो ।

यस्तै, समिक्षा अवधिमा प्रभु बैंकको ‘नेट ट्रेडिङ्ग इनकम’ ५.४६ प्रतिशतले वृद्धि भई १८ करोड १७ लाख ६८ हजार रुपैयाँ कायम भएको छ। बैंकले गत आवको तेस्रो त्रैमासमा सेयर कारोबार मार्फत १७ करोड २३ लाख ४१ हजार रुपैयाँ आम्दानी गरेको थियो ।

यता, लक्ष्मी बैंकको ‘नेट ट्रेडिङ्ग इनकम’ मा २.८४ प्रतिशतको बढोत्तरी देखिएको छ । समिक्षा अवधिमा बैंकले सेयर कारोबार मार्फत १३ करोड ६८ लाख ८० हजार आम्दानी गरेको छ ।

कृषि विकास बैंकको ‘नेट ट्रेडिङ्ग इनकम’ ऋणात्मक

कृषि विकास बैंकको ‘नेट ट्रेडिङ्ग इनकम’ अझै ऋणात्मक देखिएको छ । चालु आवको ९ महिनामा बैंकको यस्तो आम्दानी २ करोड २४ लाख ५८ हजार रुपैयाँ ऋणात्मक छ । यद्यपि, गत आवको समिक्षा अवधिको तुलनामा भने ऋणात्मक घटाएको छ । बैंकले ७०.७५ प्रतिशतले घटाएको हो । गत आवको तेस्रो त्रैमासमा बैंकले सेयर कारोबार मार्फत ७ करोड ६७ लाख ९६ हजार रुपैयाँ आम्दानी गरेको थियो ।

स्टाण्र्ड चार्टर्डपछि ग्लोबल आइएमई र एनआईएमिब धेरै आम्दानी

चालु आवको ९ महिनामा सेयर कारोबार मार्फत स्टाण्डर्ड चार्टर्ड बैंकले सबैभन्दा धेरै आम्दानी गरेको छ । सो अवधिमा बैंकले सेयर कारोबार मार्फत ४४ करोड ७२ लाख १९ हजार रुपैइाँ आम्दानी गरेको छ । यद्यपि, गत आवको समिक्षा अवधिको तुलनामा भने १०.६२ प्रतिशतले कमी हो । गत आवको चैत मसान्तसम्ममा बैंकले ५० करोड बढी आम्दानी गरेको थियो ।

दोस्रो स्थानमा रहेको ग्लोबल आइएमई बैंकले ३६ करोड ६० लाख २२ हजार रुपैयाँ आम्दानी गरेको छ । तर, गत आवको समिक्षा अवधिमा भने बैंकले सेयर कारोबार मार्फत ४६ करोड ७६ लाख रुपैयाँ आम्दानी गरेको थियो ।

तेस्रो स्थानमा भने नेपाल इन्भेष्टमेन्ट बैंक रहेको छ । बैंकले चालु आवको ९ महिनामा ३६ करोड २१ लाख ८८ हजार रुपैयाँ आम्दानी गरेको छ । तर, गत आवको समिक्षा अवधिको तुलनामा भने बैंकको यस्तो आम्दानीमा २३.५५ प्रतिशतले कमी हो ।

 


ग्लोबल आइएमई बैंकका ग्राहकलाई होटेल आइकावा इनमा १५ प्रतिशत छुट

ग्लोबल आइएमई बैंकका ग्राहकलाई होटेल आइकावा इनमा १५ प्रतिशत छुट

वि.सं.२०८१ जेठ ३२ शुक्रवार १५:३७

काठमाडौँ । ग्लोबल आइएमई बैंक लिमिटेड र होटेल आइकावा इन...

ग्लोबल आइएमई बैंक डिल्लीबजार शाखाद्वारा वित्तीय तथा डिजिटल बैंकिङ्ग साक्षरता कार्यक्रम आयोजना

ग्लोबल आइएमई बैंक डिल्लीबजार शाखाद्वारा वित्तीय तथा डिजिटल बैंकिङ्ग साक्षरता कार्यक्रम आयोजना

वि.सं.२०८१ जेठ ३२ शुक्रवार १४:०४

काठमाडौँ । ग्लोबल आइएमई बैंक लिमिटेड डिल्लीबजार शाखाद्वारा वित्तीय तथा...

ग्लोबल आइएमई बैंकद्वारा अधिकांस बैंकिङ सेवाहरु अनलाइनबाटै प्रदान गर्ने गरी “डिजिटल युनिभर्स” सञ्चालनमा

ग्लोबल आइएमई बैंकद्वारा अधिकांस बैंकिङ सेवाहरु अनलाइनबाटै प्रदान गर्ने गरी “डिजिटल युनिभर्स” सञ्चालनमा

वि.सं.२०८१ जेठ २९ मंगलवार १६:१९

काठमाण्डौं । ग्लोबल आइएमई बैंक लिमिटेडले अधिकांस बैंकिङ सेवाहरु बैंकको...

बझाङमा विद्यालय भवन निर्माणका लागि मुक्तिनाथ विकास बैंक द्वारा सहयोग

बझाङमा विद्यालय भवन निर्माणका लागि मुक्तिनाथ विकास बैंक द्वारा सहयोग

वि.सं.२०८१ जेठ २९ मंगलवार १३:०९

काठमाडौं । मुक्तिनाथ विकास बैंकले बझाङमा विद्यालय भवन निर्माणका लागि...

बैंक ब्याजदर निरन्तर सस्तिँदै, कर्जाको ब्याजदर २.३१ प्रतिशत बिन्दुले घट्यो,कुन बैंकको कति कति छ ब्याजदर ?

बैंक ब्याजदर निरन्तर सस्तिँदै, कर्जाको ब्याजदर २.३१ प्रतिशत बिन्दुले घट्यो,कुन बैंकको कति कति छ ब्याजदर ?

वि.सं.२०८१ जेठ २९ मंगलवार १३:०६

काठमाडौं । बैंकहरुको कर्जाको ब्याजदर निरन्तर सस्तिँदै गएको छ ।...

प्राइम कमर्सियल बैंकका ग्राहकलाई बरपिपल रेसोर्टमा बिशेष छुट

प्राइम कमर्सियल बैंकका ग्राहकलाई बरपिपल रेसोर्टमा बिशेष छुट

वि.सं.२०८१ जेठ २८ सोमवार १३:२१

काठमाडौं । बरपिपल रेसोर्ट प्रा . लि. र प्राइम कमर्सियल...