काठमाडौं । सञ्चालनमा रहेका २६ वाणिज्य बैंकहरुमध्ये १५ वटाले गत आर्थिक वर्षको नाफाबाट सेयरधनीका लागि लाभांश घोषणा गरेका छन् ।

कम्पनीले नगद र सेयर गरी दुई किसिमका लाभांश लगानीकर्तालाई दिने गर्छन् । यसपटक धेरै कम्पनीले नगद लाभांशलाई प्राथमिकता दिएका छन् ।

लाभांश घोषणा गरेकामध्ये १० बैंकहरु एभरेस्ट, ग्लोबल आईएमई, स्टान्डर्ड चार्टर्ड, मेगा, इन्भेस्टेन्ट, कुमारी, बीओके, सिटिजन्स, एनसीसी र सानिमाको बुक क्लोज भइसकेको छ ।

यसको अर्थ बुक क्लोज भएका यी बैंकको सेयर अब खरिद गर्नेले यो वर्ष लाभांश पाउने छैनन् ।

प्रभु बैंकले आगामी मंगलबारका लागि बुक क्लोजको मिति तय गरेको छ भने सेन्चुरीले आगामी शुक्रबार बुक क्लोजको मिति तय गरेको छ । बाँकी ३ बैंक सिद्धार्थ, एनएमबी र एसबीआईले बुक क्लोजको मिति तय गरिसकेका छैनन् ।

११ वाणिज्य बैंकले भने लाभांश घोषणा गर्न बाँकी छ ।

लाभांश घोषणा गर्न बाँकी रहेका बैंकमा नबिल, प्राइम, माछापुच्छ्रे, एनआईसी एसिया, कृषि विकास, राष्ट्रिय वाणिज्य, नेपाल, हिमालयन, लक्ष्मी, सनराइज र सिभिल बैंक छन् ।

कुनको कति ?

बैंक	नगद	सेयर लाभांश	कुल
एभरेस्ट	७.६८	१३	२०.६८
स्टान्डर्ड चार्टड	१६.५१	०	१६.५१
एनसीसी	७.६३	३.३६	११
ग्लोबल आईएमई	१०.६	३	१३.६
सानिमा	०.९८	१०	१०.९८
बीओके	१४.९५	६	२०.९५
सिटिजन्स	९	०	९
कुमारी	१२.५	०	१२.५
सिद्धार्थ	०.६६	१२.५	१३.१६
एनएमबी	८.२५	०	८.२५
सेन्चुरी	०.२५	४.७५	५
नेपाल एसबीआई	७.५३	३	१०.५३
प्रभु	१.५	६.५	८
मेगा	३.७९	४	७.७९
इन्भेस्टमेन्ट	७	४	११