कात्तिक महिनामा पनि बैंकहरुले असोजकै ब्याजदरलाई निरन्तरता दिने
वि.सं.२०७९ असोज ३० आइतवार
कात्तिक महिनामा पनि बैंकहरुले असोजकै ब्याजदरलाई निरन्तरता दिने भएका छन्।
बैंकरहरुबीच अनौपचारिक रुपमा निक्षेपको ब्याजदर नबढाउने भएका हुन्।
यसपटक नेपाल बैंकर्स सँघले ब्याजदर बढाउने गरी निर्णय भने गरेको छैन।
ब्याजदर निर्धारण गर्न यस पटक एनविएको बैठक नबस्ने संघका प्रमुख कार्यकारी अधिकृत अनिल शर्माले बताए। यसअघि बैठक बसेरब्याजदर तोक्दै आएकोमा यस पटक भने बैठक नबस्ने भएको हो।
बैंकहरुबीच भएको छलफलबाट भने कार्तिकमा पनि ब्याजदरलाई स्थिर राख्ने सहमति भएको छ। कात्तिकमा असोजकै ब्याजदरलाईनिरन्तरता दिइने शर्माले बताए।
बैंकहरुले असोजमा निक्षेपको ब्याजदर बढाएर १२।१३ प्रतिशत पुर्याएका थिए। बैंकहरुले ब्याजदर बढाउदा अहिले व्यवसायीहरुले पनिविरोध गरिरहेका छन्। ब्याजदर बढाउदा लागत मात्रै धेरै बढ्ने हुँदा अहिले बैंकरहरुले निक्षेपको ब्याजदर नबढाउने निश्कर्ष निकालेकाहुन्।
असोज महिनाको अन्तिम दिन बैंकहरुले कात्तिकको लागि नयाँ ब्याजदर प्रकाशित गर्नुपर्ने हुन्छ।
ब्याजदर घटाउनको लागि अर्थमन्त्रीले गठन गरेको समितिले भने ब्याजदर निर्धारण बजारलाई नै छोड्नुपर्ने सुझाव दिएको छ। समितिलेतत्काल ब्याजदर घटाउन कुनै सुझाव नदिएकोले पनि अहिले ब्याजदरलाई यथावत राख्ने निश्कर्षमा बैंकरहरु पुगेका हुन् ।
ब्याजदर बढ्दा बैंकहरुको लागत पनि बढेको छ।
मुद्दती निक्षेपमा उच्च ब्याजदर हुँदा अहिले बैंकहरुको कुल निक्षेपमा करिब ६० प्रतिशत भन्दा धेरै हिस्सा मुद्दती निक्षेपको छ।
मुद्दती निक्षेपमा धेरै रकम हुँदा बैंकहरुले बढी ब्याज तिर्नुपर्छ जसले गर्दा उनीहरुको ब्याज खर्च बढ्छ भने त्यसले लागत बढाउछ।
प्रकाशित समय : १२:१६ बजे