नेपाल पुनर्बीमा कम्पनीले मुद्दती निक्षेपमा लगानी गर्ने
वि.सं.२०७९ वैशाख ६ मंगलवार
काठमाडौं । नेपाल सरकारको स्वामित्वमा स्थापित नेपाल पुनर्बीमा कम्पनी लिमिटेडले मुद्दती निक्षेपमा लगानी गर्ने भएको छ ।
कम्पनीको लगानी योग्य अमेरिकी डलर क वर्गका बैंक तथा वित्तीय संस्थाहरुमा एक वा दुई वर्षे मुद्दती निक्षेपमा लगानी गर्न लागेको हो ।
नेपाल राष्ट्र बैंकबाट इजाजत प्राप्त क वर्गका बैंक तथा वित्तीय संस्थाहरुले आफुले लिन चाहेको रकम र ब्याजदर उल्लेख गरी शिलबन्दी पेश गर्नु पर्छ।
कम्पनीले तोकेको कोटेशन सम्बन्धी फारम (कम्पनीको वेभसाईट मा उपलब्ध) भरी सूचना प्रकाशित भएको मितिले ५ दिन भित्र कार्यालय समयमा गोप्य शिलबन्दी प्रस्ताव पेश गर्ने सक्नेछन् ।
साथै प्रस्तावको मान्य अवधि एक महिनाको हुने कम्पनीले जनाएको छ ।
प्रकाशित समय : १७:५० बजे
