काठमाडौं । हिमालयन बैंक लिमिटेडले आफ्नो मोबाईल बैकिङ्गमा एकिकृत नेपाल पे क्युआरको सफल रुपमा अन्तर आवद्धता कायम गरेको बताएको छ ।

अब बैंकका ग्राहकहरुले हाइ–एमबिको प्रयोग गरेर बिभिन्न मर्चेन्ट तथा पेमेन्ट गेटवेहरुमा रहेको नेपाल पे क्युआर स्क्यान गरेर क्युआर मार्फत सजिलै भुक्तानी गर्न सक्नेछन् ।

साथै बैंकले राष्ट्र बैंकले जारी गरेको नेपाल पे क्युआर मा आधारित भएर आफ्नो मर्चेन्ट म्यानेजमेन्ट सिस्टमको प्रयोग गरेर नेपाल पे, भिसा, युनियन पे र अलि पे लगायतका लागि अन्तरसंचालनशिलता तथा अन्तरआबद्धता कायम हुने गरी एग्रेस्टेड क्युआर पनि स्विकार गर्ने कार्यको थालनी गरेको जनाइएको छ ।

नेपाल राष्ट्र बैंकले प्रकाशित गरेको नेपाल–क्युआर स्ट्याण्डर्डको मूल पूर्वाधारको रुपमा नेपाल पे क्युआर स्थापना र एनसिएचएल द्वारा सञ्चालित हो, जस अन्तर्गत सदस्य बैंक वित्तीय संस्थाहरु, भुक्तानी सेवा प्रदायकहरु र अन्य भुक्तानी प्रणाली सञ्चालकहरुले छुट्टै योजनाकोे रुपमा र मर्चेन्ट वा अन्य क्युआर स्कीम सँग अन्तरआबद्धता कायम गरी प्रयोग गर्न सकिने व्यवस्था रहेको छ ।

 

वाणिज्य बैंक मध्ये नेशनल पेमेन्ट स्वीचमा जोडी नेपाल पे क्युआरलाई एग्रेस्टेड क्युआरको रुपमा लागु गर्ने हिमालयन बैंक पहिलो बैंक रहेको छ ।

बैंकका ब्यापारिक ग्राहकहरु मर्चेन्टको रुपमा आबद्ध भएर आफ्ना ग्राहकहरुबाट हाइ–एमबि अथवा नेपाल पे क्युआरमा आबद्ध अन्य उपकरणहरु मार्फत् सिधै आफ्नो खातामा भुक्तानी प्राप्त गर्न सक्ने हिमालयन बैंकले जानकारी दिएको छ ।