काठमाडौं । देशमा संञ्चालित २० वाणिज्य बैंकहरूले कर्मचारीका लागि १ अर्ब ९६ करोड रुपैयाँ रकम बोनसका लागि छुट्याएका छन् ।

वाणिज्य बैंकहरुले आर्थिक वर्षको पहिलो महिना (साउन) मा कर्मचारीहरुको लागि १ अर्ब ९६ करोड रुपैयाँ रकम छुट्याएका हुन् ।

बोनस ऐनअन्तर्गत रोजगारदातालाई प्रतिष्ठानले कुल नाफाको १० प्रतिशत बोनस कर्मचारीलाई दिनुपर्ने प्रावधान छ । उक्त प्रावधान अनुसार बैंकहरूले कर्मचारीलाई बोनस वितरण गर्ने गरेका छन्।

चालु आर्थिक वर्षको पहिलो महिना (साउन) महिनामा कर्मचारीहरुलाई सबै भन्दा बढि बोनस दिनेमा ग्लोबल आइएमई बैंक रहेको छ । बैंकले कर्मचारीको लागि १ करोड ४१ लख रुपैयाँ रकम छुट्टाएको छ । दोस्रो नम्बरमा नबिल बैंक रहेको छ । बैंकले आप्ना कर्मचारीहरुको लागि १ करोड २७ लाख रुपैयाँ रकम छुट्टाएको हो ।

त्यसैगरी चालु आवको पहिलो महिना (साउन) महिनामा नेपाल बैंकले २३ करोड रुपैयाँ कर्मचारी बोनस छुट्टाएको छ भने नेपाल इन्भेष्टमेन्ट मेगा बैंकले ९१ करोड, स्ट्रयाण्डर्ड चाटर्ड बैंकले ४९ करोड, हिमालयन बैंकले ९३ करोड, नेपाल एसबी आई बैंकले ९३ करोड, एभरेष्ट बैंकले ६७ करोड रुपैयाँ कर्मचारी बोनसका लागि छुट्टाएका हुन् ।

एनआईसी एसिया बैंकले ४२ करोड, माछापुच्छ्रे बैंकले ३२ करोड, कुमारी बैंकले ८१ करोड, लक्ष्मी बैंकले ६८ करोड, सिद्धर्थ बैंकले ५५ करोड, कृषि विकास बैंकले ५४ करोड, सिटिजन्स बैंकले ५४ करोड, प्राइम बैंकले ८० करोड, एनएमबी बैंकले ६७ करोड, प्रभु बैंकले ८५ करोड र सानिमा बैंकले ६० करोड रुपैयाँ रकम कर्मचारीको लागि खर्च गर्ने भएको छ ।