काठमाडौं । लामो समयदेखि चर्चामा आएको विषय हिमालयन र इन्भेष्टमेन्टको मर्जर अब भने नजिक पुगेको छ । कुनै भवितव्य नपरेमा आगामी बैसाख १४ गते मंगलबार नेपालको २ पुराना र ठुला बैंकको मर्जरको एमओयू हुने भएको छ । यी दुई बैंकहरु डिडिए सकेर मर्जको तयारीमा जुटेका हुन ।
बैसाख १४ गते मंगलबार मर्जरको लागी एमओयूको तयारी भएको एक बैंक स्रोतले जनाएको छ । मर्जर अन्तिम चरणमा पुगेको छ । कुनै बाधा आएन भने आगामी असारभित्रै एकिकृत कारोवारको तयारी भएको स्रोतले जनाएको छ ।
हिमालयन बैंक संचालक समिति बैंठक बैसाख २ गते बसेको थियो । सो बैठकमा मर्जरबारे घनिभुत छलफल भएको थियो । कुनै भवितव्य घट्ना नभएमा आगामी मंगलबार दुई बैंकको मर्जरबारे एमओयू हुने जनाइएको छ ।
नेपालको दुई ठुला बैंक नेपाल इन्भेष्टमेन्ट बैंक लि र हिमालयन बैंक लि विचि मर्जरको तयारी तिब्र भैरहेको छ । हिमालयन बैंकको चुक्तापुँजी अहिले २० अर्व रहेको छ भने नेपाल इन्भेष्टमेन्ट बैंकको २६ अर्व रहेको छ । दुई बैंक मर्जरपछि कुल चुक्तापुँजी रिजर्भसहित ४६ अर्बको हुनेछ ।

बैंकको नाममा पनि प्ररम्भीक छलफल भएको छ । दुबै बैंकको अस्तित्व नमेटिनेगरी हिमालयन इन्भेष्टमेन्ट बैंक राख्ने तयारी भएको छ । अन्तिम टुङ्गो नलागेपनि नाम र अध्यक्ष सीईओ र डेपुटी सीईओबारे छलफल भैरहेको छ । यद्येपी यसको टुङ्गो भने एमओयू पछिमात्रै लाग्नेछ ।

प्रारम्भीक छलफल अनुसार अध्यक्ष नेपाल इन्भेष्टमेन्ट बैंकले लिने र सीईओ हिमालयन बैंकले पाउने लगभग सहमती भएको छ । इन्भेष्टमेन्ट बैंकका अध्यक्ष पृथ्वीबहादुर पाँडे मर्जपछि पनि अध्यक्ष रहेनेछन भने सीईओमा हालका हमिालयन बैंकका सीईओ अशोक राणानै कायम रहनेछन ।

कर्पाेरेट बजार

प्रकाशित समय : ११:०३ बजे