रौतहट । रौतहटमा कोरोना विरुद्धको भेरोसेल खोपको दोस्रो डोज सञ्चालन भईरहेको छ । पहिलो डोज खोप लिएको २१ दिनभित्र लगाउनु पर्ने दोस्रो डोज खोप साउन २५ गतेदेखि लगाउन सुरु भएको हो । जिल्लामा प्रथम चरणको खोप अभियान संचालनको लागि चन्द्रपुर,गढीमाई कटहरिया नगरपालिका अन्र्तगत ६ वटा खोप केन्द्र, गुजरा,बृन्दावन ,फतुवा बिजयपुर ,देवाही गोनाही नगरपालिका अन्र्तगत ५ वटा खोप केन्द्र गरुडा नगरपालिकामा ९ वटा खोप केन्द्र र मौलापुर नगरपालिकामा ४ वटा खोप केन्द्रबाट सर्बसाधारणलाई खोप लगाउन व्यावस्था गरिएको छ । यी सवै खोप केन्द्रमा साउन २५ गते देखी २७ गते सम्म खोप लगाईने व्यवस्था रहेको छ ।

रौतहटका खोप केन्द्रहरु व्यवस्थित नहुदाँ समस्या देखिएको छ । एका तिर खोप लगाउन आउनेको संख्या अत्यधिक रहेको छ भने अर्को तर्फ खोप लगाउन आउनेले सामाजिक दुरी कायम नगर्ने र स्वास्थ्य सुरक्षा मापदण्ड पालन नगर्ने कारणले कोरोना संक्रमण फैलन सक्ने जोखिम उत्ति नै बढेको छ । जिल्लामा अत्याधिक गर्मीका कारण रुघाखोकी, ज्वरोका बिरामी पनि बढ्न थालेका छन् । भिडमा लाइन लाग्दा कोही संक्रमित भएको भए सर्छ कि भन्ने डरले खोप लगाउन जान नसकेकोे चन्द्रपुर नगरपालिका ८ कि सिता सापकोटाले बताईन । भौतिक दूरी कायम गर्छु भन्दा पनि नसकिने भिड बढी भएको उनि बताउछिन ।

जिल्लामा कोरोना विरुद्धकोे दोस्रो डोज अन्तर्गत १४,४०० भाइल भेरोसेल खोप आएको र सबै खोप केन्द्रमा लगाउने काम भईरहेको जिल्ला स्वास्थ्य कार्यलयका प्रमुख दिपेन्द्र कुमार रायले बताए । रौतहटमा हाल ५२ जनामा कोरोना सक्रिय संक्रमित रहेका छन भने १२९९ जना संक्रमित भई निको भएका छन । कोरोना संक्रमणका रौतहटका १ सय १८ जनाले ज्यान गुमाएका छन । जिल्लामा पछिल्लो समय मृत्युदर घटे पनि परीक्षण गरिएकोमा संक्रमण दर घटेको छैन ।
२०७८ साउन २७ गते प्रकाशित

कर्पाेरेट बजार

प्रकाशित समय : ०७:०४ बजे