साताको चौथो कारोबार दिन आज कारोबार सुरु भएको पहिलो १ घण्टामा नै दुई कम्पनीको सेयर मूल्यमा सकरात्मक सर्किट लागेको छ । आज मध्यान्न १२ बजेसम्मा जिवन बिकास लघुवित्त र यूनियन लाइफ इन्स्योरेन्स कम्पनीको सेयर मूल्यमा सर्किट लागेर कारोबार बन्द भएको हो ।

यी दुवै कम्पनी भखरै मात्र आईपीओ जारी गरेर बाँडफाँड पछि कारेबारमा आएका हुन् । जीवन विकास लघुवित्तले असार ११ गतेदेखि १५ गतेसम्म प्रतिकित्ता १०० अंकित दरका १९ लाख ७७ हजार ३०० कित्ता साधारण सेयर बिक्री गरेको थियो । निष्काशन गरिएको कुल सेयरमध्ये ९८ हजार ८६५ कित्ता सेयर सामूहिक लगानी कोषका लागि छुट्याइएको हुँदा बाँकी १८ लाख ४८ हजार १५ कित्ता सर्वसाधारणमा बाँडफाँट गरिएको थियो ।

युनियन लाइफले २४ असारदेखि प्रतिकित्ता १०० रुपैयाँको दरमा कुल ६४ लाख ५० हजार कित्ता सेयर बिक्री खुला गरेको थियो । जसमध्ये ५ प्रतिशत (३ लाख २२ हजार ५०० कित्ता) कर्मचारी र ५ प्रतिशत (३ लाख २२ हजार ५०० कित्ता) म्युचुअल फन्डको लागि छुट्याइएको थियो । बाँकी ५८ लाख ५ हजार कित्ताको लागि सर्वसाधारणले आवेदन दिएका थिए ।
२०७८ साउन २७ गते प्रकाशित

कर्पाेरेट बजार

प्रकाशित समय : ०६:३१ बजे