लहान । कर नबुझाउने ४० करदाताको जग्गा र बैंक खाता रोक्का भएको छ । आन्तरिक राजस्व कार्यालय लहानले लामो समयदेखि कर नबुझाएका ४० करदातामाथि लहानले कानूनी कारवाही अघि बढाएको हो । राजस्व कार्यालयका अनुसार दर्ता भएर पनि कर नबुझाएकाले उक्त करदातामाथि कानूनी कारवाहीस्वरूप कारोवार, बैंक खाता र चलअचल सम्पत्ति रोक्का गरिएको हो ।

कार्यालय प्रमुख रामप्रसाद खतिवडाले पाँच लाखसम्म कर बक्यौता राखेका ७५ करदातामाथि कानूनी कारवाही अघि बढाइएकामा आर्थिक वर्ष २०७७।७८ मा ३५ जना करदाताबाट रु पाँच करोडभन्दा बढी बक्यौता असुली भएको बताए ।

ति करदाताले मूल्य अभिवृद्धि कर, आयकर तथा अन्तःशुल्कतर्फ दर्ता भएर कर तिर्न अटेराई गरेका हुन् ।

२०७८ साउन २६ गते प्रकाशित