काठमाडौँ । विजय लघुवित्त वित्तीय संस्था लिमिटेडले गत आर्थिक वर्षको चौथो त्रैमासको वित्तीय विवरण सार्वजनीक गरेको छ । सार्वजनीक वित्तीय विवरण अनुसार कम्पनीका सबै वित्तीय सूचकहर सन्तोष्जनक रहेका छन् ।

समीक्षा अवधिमा संस्थाले ११ करोड ८४ लाख रुपैयाँ खुद नाफा आर्जन गरेको छ। जुन अघिल्लो वर्षको यही अवधिको तुलनामा १०३.७२ प्रतिशतले बढी हो। अघिल्लो आर्थिकवर्षको समिक्षा अवधिमा संस्थाले ५ करोड ८१ लाख रुपैयाँ नाफा आर्जन गरेको थियो।

यो अवधिमा संस्थाको सञ्चालन मुनाफा ७९.१३ प्रतिशतले बढेर १५ करोड ६८ लाख रुपैयाँ भएको छ। गत वर्ष यस्तो मुनाफा ८ करोड ७५ लाख रुपैयाँ रहेको थियो।
संस्थाको खुद ब्याज आम्दानी ७४.२५ प्रतिशतले बढेर ३८ करोड १ लाख रुपैयाँ पुगेको छ। अघिल्लो वर्ष यस्तो मुनाफा २१ करोड ८१ लाख रुपैयाँ रहेको थियो।

संस्थाले २ अर्ब ९० करोड रुपैयाँ सापटी लिई ४ अर्ब ३१ करोड रुपैयाँ कर्जा परिचालन गरेको छ। अघिल्लो वर्ष संस्थाले २ अर्ब ७१ करोड रुपैयाँ सापटी लिई ३ अर्ब ४८ करो रुपैयाँ कर्जा परिचालन गरेको थियो।

संस्थाको रिजर्भको आकार ६२.५९ प्रतिशतले बढेको छ। अघिल्लो वर्ष १० करोड ६६ लाख रुपैयाँको रिजर्भ बढेर १७ करोड ३३ लाख रुपैयाँको उचाइमा पुगेको छ।

चुक्तापुँजी २६ करोड ६५ लाख रुपैयाँ रहेको संस्थाको वार्षिकीकृत प्रतिसेयर आम्दानी ४४।४३ रुपैयाँ रहेको छ। पीई रेसियो ४०.९४ गुणा रहेको संस्थाको प्रतिसेयर नेटवर्थ १६५.०४ रुपैयाँ रहेको छ।

२०७८ साउन २६ गते प्रकाशित