रौतहट । जिल्लाको फतुवा विजयपुर नगरपालिकामा आर्थिक अनियमिता भएको भन्दै अख्तियार दुरुपयोग अनुसन्धान आयोगमा उजुरी परेको छ । सो नगरपालिकाले बिभिन्न फर्जी योजना बनाएर कामै नगरी बिल बनाई करोडौ रकम भ्रष्टाचार गरेको भन्दै अख्तियार दुरुपयोग अनुसन्धान आयोग बर्दिबास र जिल्ला प्रशासन कार्यलय रौतहटमा उजुरी परेको हो ।

फतुवा विजयपुर नगरपालिका वडानं ७ का स्थानीय बासिन्दा नरेन्द्र कुमार यादवले २०७७÷७८ का लागि छनौट गरिएको योजना मध्य नगरपालिकाका नगर प्रमुख गोपाल यादव र कर्मचारीको मिलेमतोमा फर्जी योजना बनाएर आर्थिक अनियमिता गरेको भन्दै अख्तियारमा उजुरी दिएका हुन् ।

सो नगरपालिकाको वाड नं ७ मा पर्ने रामबहादुर ,कृष्णनन्दन प्राबिको विद्यालय भवनको कार्य निर्माण गर्नका लागि ६६ लाख ४५ लाख ३ सय ३० रुपैया बिनियोजन गरेकोमा विद्यालयको जग मात्र निर्माण गरेर कामै नगरी बिल भर्पाई पेस गर्न लगाएर रकम निकासा गरी आर्थिक अनियमिता गरेको भन्दै उजुरी परेको हो ।

सो नगरपालिकाले कामै नगरी कल्पना सहकारी संस्था फतुवा विजयपुरलाई अनुदान स्वरुप ३४ लाख ५८ हजार भुक्तानी दिएको उजुरीमा उल्लेख रहेको छ । सो नगरपालिकाले श्री जनजागारण केन्द्र नेपाल नामक गैरसरकारी संस्थालाई अनुदान स्वरुप अन्तरिक श्रोतबाट ३२ लाख हिनामिना गरेको निवेदक नरेन्द्र कुमार यादवले जानकारी दिए ।

सो रकम नगर प्रमुख गोपाल यादव र कर्मचारीले बांडेर खाएको आरोप निवेदकको रहेको छ । सडक स्तरउन्नतीको नाममा सो नगरपालिकाले फर्जी बिल भर्पाई बनाई ३० लाख बजेट बिनियोजन गराई भ्रष्टाचार गरेको आरोप लागेको छ ।

सडक ढलान तथा ग्रवेल गर्ने नाममा १४ लाख ४० हजार रकम बिनियोजन गरेर कामै नगरी रकम निकासा गरेर आर्थिक अनियमिता गरेको उजुरीमा उल्लेख रहेको छ । नगर प्रमुख यादवले आफ्नै मान्छेलाई उपभोक्ता समितिमा राखेर आर्थिक अनियमितता गरेको उजुरीमा जनाईएको छ ।

२०७८ साउन २२ गते प्रकाशित