एचआईडीसीएलको १०० प्रतिशत राइट सेयर आजदेखि बिक्रि खुला
वि.सं.२०७८ साउन ५ मंगलवार
काठमाडौँ । हाइड्राइलेक्ट्रिसिटी इन्भेस्टमेन्ट एन्ड डेभलपमेन्ट कम्पनी लिमिटेड (एचआईडीसीएल) को सतप्रतिशत हकप्रद सेयर(राईट सेयर) आजदेखि बिक्रि खुला भएको छ ।
कम्पनीले १ः१ अनुपातमा निष्कासन गर्न लागेको उक्त हकप्रद सेयरमा आजदेखि आवेदन दिन सकिने जनाएको हो । कम्पनीले १०० रुपैयाँ अंकित मूल्यको दरले कुल ११ करोड कित्ता सेयर सेयरधनीका लागि जारी गर्न लागेको हो ।
हकप्रद बिक्री प्रबन्धकमा ग्लोबल आईएमई क्यापिटल लिमिटेड रहेको छ। हकप्रदमा ग्लोबल आईएमई क्यापिटल तथा ग्लोबल आईएमई बैंकका तोकिएका शाखा कार्यालयबाट आवेदन दिन सकिनेछ भने नेपाल धितोपत्र बोर्डबाट आस्बा अनुमति प्राप्त बैंक तथा वित्तीय संस्था र मेरो सेयरमार्फत पनि आवेदन दिन सकिनेछ। आवेदन साउन २५ गतेसम्म दिन सकिनेछ।
कम्पनीले हकप्रद प्रयोजनार्थ गत जेठ २८ गते बुक क्लोज गरिसकेको छ। यसको अर्थ गत जेठ २७ गतेसम्म कायम सेयरधनीले यो कम्पनीको हकप्रदमा आवेदन दिन पाउनेछन्।
नेपाल धितोपत्र बोर्डले गत जेठ ९ गते यो हकप्रदलाई निष्कासनको अनुमति दिएको थियो।
२०७८ असार ५ गते प्रकाशित
प्रकाशित समय : ०५:०८ बजे
