काठमाडौँ । नेप्से लामोसमयपछि लयमा फर्किएको छ । आज सेयर बजार मापन गर्ने नेप्से परिसूचक ७४.७१ अंकले बढेर २८९९.८२ को बिन्दूमा पुगेको हो ।

नेपाल धितोपत्र बोर्डले ५१ वटा कम्पनीको नाम सार्वजनीक गरेर मूल्यमा चलखेल गरेको भनेपछि बजारले गति लिन सकेको थिएन । आज भन्दा अघिल्ला कारोबार दिनहरुमा पनि बजार प्राय घट्नुका साथै बढ्दाको दिन पनि सामान्य अंकले बढेको थियो भने कारोबार रकम पनि ४ देखि ५ अर्बको बीचमा नै रहेको थियो । तर आजभने बजारले लगानीकर्तालाई हौसला दिएको छ ।

यो दिन कारोबारमा आएका २२५ कम्पनीको ३ करोड १५ लाख ८८ हजार ८५० कित्ता सेयर किनबेच हुँदा ८ अर्ब ६ करोड १३ लाख ८२ हजार ४९६ रुपैयाँ बराबरको कारोबार भएको छ ।

यस्तै यो दिन गुराँस फाइनान्स, श्री इन्भेष्टिमेन्ट फाइनान्स, आइसीएफसी फाइनान्स, साइन रेसुङ्गा डेभलपमेन्ट बैंक, मल्टी प्रपोज फाइनान्स र समृद्धि फाइनान्सलगायतका कम्पनीको सेयर मूल्यमा सकरात्मक सर्किट लागेको छ ।

 

२०७८ असार २७ गते प्रकाशित