काठमाडौँ । सगरमाथा इन्स्योरेन्स कम्पनीले लगानीकर्तालाई ११.५७ प्रतिशत लाभांश दिने भएको छ । कम्पनील्े सअसार ३० गते २४ औं बार्षिक साधारण सभाबाट उक्त लाभांश पारित गर्न लागेको हो । कम्पनीको अषाढ ८ गते बसेको संचालक समितिको बैठकले सभा आह्वान गर्ने निर्णय गरेको हो । बुधबार प्रधान कार्यालय नक्साल काठमाडौंमा बिहान ११ बजे हुनेछ ।
सभामा कम्पनीको हालको चुक्ता पूँजीबाट ११ प्रतिशत बोनस शेयर र कर प्रयोजनको लागि ०.५७८९ प्रतिशत नगद लाभांश गरी कूल ११.५७८९ प्रतिशत लाभांश वितरण गर्ने प्रस्ताव पारित गर्नेछ ।

कम्पनिको चुक्ता पूँजी १ अर्ब १२ लाख २३ हजार रूपैयाँको ११ प्रतिशत बराबरको ११ करोड १ लाख ३४ हजार रूपैयाँ बराबरको बोनस शेयर वितरणपछि कम्पनीको चुक्ता पूँजी १ अर्ब ११ करोड १३ लाख ५७ हजार रूपैयाँ पुग्नेछ ।

त्यस्तै, सभाले कम्पनीबाट सामाजिक संघ संस्थालाई आर्थिक सहायता गर्दा सिमा नाघेको हुँदा सो अन्तर्गत भएको खर्च १६ लाख रुपैयाँलाई छलफल गरि पारित गर्नेछ । कम्पनीको आर्थिक बर्ष २०७७–०७८ को लेखापरिक्षण गर्न लेखा परिक्षक नियुक्त गरि पारिश्रमिक तोक्नेछ ।

कम्पनीले साधारण सभा प्रयोजनार्थ अषाढ १७ गतेदेखि अषाढ ३० गतेसम्म बुक क्लोज गर्ने निर्णय गरेको छ । त्यसैले अषाढ १६ गतेसम्म कायम सेयरधनीले मात्रै साधारण सभामा भाग लिन पाउनेछन् ।

२०७८ असार २२ गते प्रकाशित