काठमाडौँ । प्रधानमन्त्री केपी शर्मा ओलीले म भ्रष्टाचार गर्दिँन, भ्रष्टाचारीको मुख पनि हेर्दिँन भन्ने अभिव्यक्ति सार्वजनिक रुपमा दिँदै आएका छन् । तर, ओली नेतृत्वको सरकार उच्च राजनीतिक नेतृत्वको योजना आुसार एकपछि अर्को अनियमितताका घटना सार्वजनिक हुँदै आएका छन् । यसको पछिल्लो उदाहरण हिमालयन रिइन्स्योरेन्स कम्पनी हो ।

उद्योगी व्यवसायी स्रोतका अनुसार हिमालयन रिइन्स्योरेन्स कम्पनीलाई पुनर्बीमा कम्पनी सञ्चालनका लागि इजाजतमा समेत अनियमितता भएको आशंका छ । सरकारको उच्च नेतृत्वलाई प्रभावमा पारेर हिमालय रिइन्स्योरन्स कम्पनीले अनुमतिह पाएको त्यही कम्पनीका एक सञ्चालकले बताए ।
केही रकम बुझाइसक्यौं, बाँकी रकम बुझाउने सहमति भएको छ, सञ्चालकले भने, प्रतिकित्ता १ सय १० रुपैयाँ उठाएर रकम बुझाउँछौं ।

अनुमति पाएको हिमालयन रिइन्स्योरेन्सको चुक्ता पुँजी १० अर्ब रुपौयाँ छ । १० करोड कित्ताको कम्पनी भएकोले प्रतिकित्ता १ सय रुपैयाँमा थप १० रुपैयाँका दरले अतिरिक्त रकम उठाउँदा १ अर्ब रुपैयाँ हुन्छ । प्रधानमनत्री ओलीनिकट व्यक्ति यतिबेला लगानी वोर्डका प्रमुख कार्यकारी अधिकृृत (सीईओ) छन् । केही ब्यापारीको साँठगाँठमा यो डिल भएको स्रोतको दाबी छ ।

निजी क्षेत्रका व्यवसायीले १ अर्ब बुझाउने प्रतिवद्धतासहित केही पेस्की रकम बुझाएपछि लाइसेन्स दिएको हो । लाइसेन्स दिँदा बीमा समितिले औपचारिक प्रक्रिया भने पुर्याएको छ । (नागरिक दैनिकबाट)

२०७८ असार १३ गते प्रकाशित