काठमाडौँ । सामाजिक सुरक्षा कोषले बैंक वित्त तथा बीमा कम्पनीहरुलाई निराधारण टिकाटिप्पणी गरेको आरोप लगाएको छ । कोषले बैंक वित्त तथा बीमा कम्पनीहरुका २९ सँस्थाले १५ बुंदे माग राखेर जारी गरेको संयुक्त बिज्ञप्तीको जवाफ दिँदै यस्तो आरोप लगाएको हो । साथै कोषमा अनिवार्य रुपमा दर्ता हुनलाई निर्देशन समेत दिएको छ।

कोषले विज्ञप्ति जारी गर्दै बैंक बित्त तथा बीमा कम्पनीहरुले लगाएका, पेन्सनमा जान अनिवार्य गरिएको, पेन्सन रकम पाउन ६० बर्ष पुगेको हुनुपर्ने, अवकाष कोषमा रहेको पुरानो रकम समेत कोषमा नै अनिवार्य रुपमा ल्याउनुपर्ने जस्ता आरोपहरु निराधार रहेको उल्लेख गरेको छ ।

कोषमा आबद्दता अनिवार्य भएको बताउदै कोषले योगदानमा आधारित सामाजिक सुरक्षा कोष सबै श्रमिकले पाउने गरि कानुनी व्यवस्था भएको सन्दर्भमा कोषमा श्रमिकहरुको सूचीकरण तथा नियमित योगदान गरिगराई रोजगारदातामा निहित दायित्व समेत कोषमा हस्तान्तरण गर्न गराउन आग्रह गरेको छ ।

बैंक बित्त तथा बीमा कम्पनीका २९ संस्थाहरुले आज एक बिज्ञप्ती जारी गरि कोषमा आबद्द हुनलाई १५ बुंदे माग अगाडी सारेपछि कोषले यस्तो प्रतिकृया दिएको हो।

आफुहरुको माग सम्बोधन नभएसम्म कुनैपनि हालतमा आबद्द हुन नसकिने अडान राख्दै बैंक बित्त तथा बीमा कम्पनीका २९ वटा सँस्थाले संयुक्त बिज्ञप्ती जारी गरेका थिए।

२०७८ असार ११ गते प्रकाशित