काठमाडौँ । इन्फीनिटी लघुवित्तले विशेष साधारणसभा आह्वान गरेको छ । कम्पनीले नेपाल एग्रो लघुवित्तलाई गाभ्ने प्रस्ताव पारित गर्न असार २१ गते सोमबार आफ्नै केन्द्रीय कार्यालयमा सभा आह्वान गरेको हो ।

सभामा इन्फिनिटीले नेपाल एग्रो लघुवित्तलाई प्राप्तिगर्ने सम्बन्धमा सञ्चालक समितिको तर्फबाट अध्यक्ष मार्फत प्रस्तुत प्रतिवेदनलाई छलफल गरी पारित गर्ने प्रस्ताव पेश हुने छ।

त्यस्तै इन्फिनिटी लघुवित्तडले नेपाल एग्रोलाई प्राप्ति गर्ने प्रयोजनको लागि मूल्याँकनकर्ताबाट प्राप्त नेपाल एग्रोको चल÷अचल सम्पत्ति र दायित्व मूल्याँकन प्रतिवेदन प्राप्ति पछिका व्यवसायिक अवसरहरु, सम्पत्ति एवं दायित्वको बजार मूल्य, वर्तमान जोखिम अवस्था समेतको आधारमा आपसी सहमति बमोजिम निर्धारण गरिएको नेपाल एग्रो लघुवित्त वित्तीय संस्था लिमिटेडको १०० (एक सय) कित्ता शेयरलाई इन्फिनिटी लघुवित्तको ९८ (अन्ठानब्बे) कित्ता शेयर (१ः०.९८) दिने गरी शेयर मूल्य अनुपात स्वाप रेसियो कायम गरी एक्विजिशन प्रस्ताव पारितका लागि पेस हुने छ ।

त्यस्तै हालसम्म भएका सम्झौता र कार्यहरु अनुमोदन गर्ने र कम्पनीको नियमावली र प्रबन्धपत्रमा आवश्यक संशोधन गर्ने प्रस्ताव पेश हुने छ। नियामक निकाय थप संशोधन गर्न निर्देशन दिए सोहि अनुसार गर्ने अख्तियारी संचालक समितिलाई दिने प्रस्ताव पेश हुने छ ।

साधारणसभा प्रयोजनको लागि कम्पनीले असार ८ गते बुक क्लोज गर्ने निर्णय गरेको छ ।

राष्ट्र बैंकले जेठ ११ गते गाभ्न गाभिनको लागि सैदान्तिक स्वीकृति प्रदान गरेको थियो । इन्फीनिटी लघुवित्तले नेपाल एग्रो लघुवित्तलाई गाभ्नको लागि गत माघ २ मा सम्झौता गरेको थियो । इन्फीनिटी लघुवित्तको केन्द्रिय कार्यालय गैडाकोट नवलपुरमा रहेको छ भने नेपाल एग्रोको केन्द्रिय कार्यालय पोखरामा रहेको छ ।

२०७८ जेठ ३१ गते प्रकाशित