मुगु । नेपालको चर्चित पर्यटकीय स्थल मुगुको रारा क्षेत्र हिजोआज सुनसान बनेको छ । आसन्न प्रतिनिधि सभा सदस्य निर्वाचनका कारण रारासम्म मानिसहरु नआउँदा रारा सुनसान बनेको हो ।
समुन्द्रय सतह देखि २९ सय ७२ मिटरको उचाइमा रहेको १०८ वर्ग किलोमिटर क्षेत्रफलमा फैलिएको र १६७ मिटर गहिरो रारा सिजन सुरु हुने बेलामा निर्वाचन परेकाले पर्यटकहरुको चहलपहल कम भएको हो ।
निर्वाचनका कारण आन्तरिक तथा वाह्या पर्यटकहरु घुम्न नआउँदा रारा ,माझघट्ट, सल्यारी, ताल्चा, लामाचौरमा रहेका होटल र घोडचढी व्यवसायी मारमा परेका छन् ।
रारा तालको हिजोआजको दृश्य, कञ्चन, सुनसान हिउँ परेको हिमालले चाँदी जस्तै टल्किरहेको देख्न सकिन्छ । हरिया सल्ला, धुपीका बिरुवाले फरक अनुभूति गराउने गर्छ । मंंसिरदेखि फागुन अन्तीमसम्म चिसो हुने वा हिउँ पर्ने सिजन भएकाले लगानी उठाउन हम्मे पर्ने गरेको व्यवसायीहरुको भनाइछ ।
रारा घुम्न आउने पर्यटकहरुलाई घोडबाट सवारी गराउने, भारी बोक्ने, घोडामा चढेर फोटा खिचाएर पर्यटकहरुलाई मनोरन्जन दिदै आएका घोडा ब्यवसायहरु नआउँदा रारा क्षेत्रमा रहेका दुई सय घोडा कामविहीन भएका छन् ।
रारामा दैनिक आधा दर्जन भन्दा बढी ढुङ्का चलाएर घर परिवार पाल्दै आएको ढुङ्का चालकहरु पनि पर्यटकहरु नआउदा घर परिवार चलाउन निकै समस्या भएको बताउँछन् ।
वैशाखदेखि मंसिरसम्म रारा घुम्न आउने उपयुक्त सिजन भएको सो समय राम्रो आम्दानी हुनेगर्छ ।
वितेको ६ महिनामा रारा घुम्न आउने आन्तरिक पर्यटक ९ हजार ६५९, बिदेशी ८८ जना र सार्क राष्ट्रका ३४ पर्यटक गरी जम्मा ९ हजार ७८१ जना पर्यटहरुले रारा घुमेको अभिलेखमा रहेको रारा राष्ट्रिय निकुञ्जको कार्यालयले जनाएको छ ।
