काठमाडौं । नागरिक लगानी कोषले चालु आर्थिक वर्ष २०८२/८३ को दोस्रो त्रैमासको अपरिष्कृत वित्तीय विवरण सार्वजनिक गरेको छ । विवरणअनुसार कोषले समीक्षा अवधिमा ६६ करोड ५३ लाख रुपैयाँ खुद नाफा आर्जन गरेको छ, जुन गत आर्थिक वर्षको सोही अवधिको तुलनामा ६.९२ प्रतिशतले वृद्धि हो । अघिल्लो आवको दोस्रो त्रैमाससम्म कोषको खुद नाफा ६२ करोड २२ लाख रुपैयाँ थियो ।

यस अवधिमा कोषको कुल आम्दानी १ अर्ब ६ करोड रुपैयाँ पुगेको छ । यो रकम गत आवको सोही अवधिको तुलनामा २.८६ प्रतिशतले बढी हो । अघिल्लो आवको सोही अवधिसम्म कोषले १ अर्ब ३ करोड रुपैयाँ आम्दानी गरेको थियो ।

कोषको कुल खर्च घटेको छ । अघिल्लो आवमा २० करोड ८६ लाख रुपैयाँ रहेको कुल खर्च समीक्षा अवधिमा घटेर १८ करोड १८ लाख रुपैयाँ मा सीमित भएको छ ।

कर्पाेरेट बजार

प्रकाशित समय : १३:१६ बजे