काठमाडौं । कुमारी बैंक लिमिटेड र बन्दिपुर केबल कार एण्ड टुरिजम लिमिटेडबीच कुमारी बैंकका ग्राहकलाई विशेष छुट प्रदान गर्ने सम्झौता भएको छ।

सम्झौताअनुसार अब कुमारी बैंकका ग्राहकले बन्दिपुर केबल कार एण्ड टुरिजम लिमिटेडले उपलब्ध गराउँदै आएको केबलकार टिकट, स्काई साईक्लिङ, जिपलाइन तथा ‘डाइभ–इन’ रेष्टुरेन्टका सेवामा १३ प्रतिशतसम्म छुट पाउनेछन्।

सम्झौता पत्रमा कुमारी बैंकका तर्फबाट गण्डकी प्रदेश प्रमुख सुदर्शन जंग राणा र बन्दिपुर केबल कारका तर्फबाट प्रमुख कार्यकारी अधिकृत रोमन मान श्रेष्ठले मिति २०८२ मंसिर ७ गते हस्ताक्षर गरेका हुन्।

२४ वर्षदेखि देशभर स्थिर रूपमा बैंकिङ सेवा प्रदान गरिरहेको कुमारी बैंकले हाल ३०२ शाखा, ३१७ एटिएम, ५० एक्सटेन्सन काउण्टर र ४८ शाखा–रहित बैंकिङ इकाइमार्फत सेवा प्रवाह गरिरहेको छ।