काठमाडौं । प्रभु बैंकको ऋणपत्रमा आवेदन दिने समयावधि थप गरिएको छ । जेठ ११ गते मंगलबारदेखि बिक्री खुल्ला बैंकको “८.५ प्रतिशत प्रभु बैंक डिबेन्चर २०८७” ऋणपत्र आवेदन दिने समय थप गरिएको हो । बैंकको उक्त ऋणपत्रमा छिटोमा जेठ १६ र ढिलामा जेठ २६ गतेसम्म आवेदन दिन सकिने व्यावस्था गरिएको थियो । सोही अनुसार आजसम्ममा प्रयाप्त आवेदन पर्ने सम्भावना कम भएसँगै बैंकले ढिलाको समयावधिसम्मा आवेदन दिन पाईने भएको हो ।

प्रभु बैंकले वार्षिक ८.५ प्रतिशत ब्याजदरमा प्रत्येक ३–३ महिनामा ब्याज भुक्तानी गर्ने गरी बैंकले ४ अर्ब रुपैयाँ बराबरको १० वर्षे “प्रभु बैंक डिबेञ्चर–२०८७” नामक ऋणपत्रमा बिक्रि खुला गरेको थियो ।

बैंकले प्रति कित्ता १ हजार रुपैयाँ अंकित मूल्यका ४ अर्ब रुपैयाँको ४० लाख कित्ता बिक्री गरेको हो । जसमा १५ लाख २० हजार कित्ता सर्वसाधारणलाई छुट्याईएको छ । ५ प्रतिशत अर्थात् ८० हजा कित्ता सामुहिक लगानी कोषका लागि छुट्टयाईएको हो । बाँकि २ अर्ब ४० करोड रुपैयाँ बराबरको २४ लाख कित्ता विभिन्न व्यक्ति तथा संघ संस्थाहरुलाई व्यक्तिगत तवरबाट बिक्री गरिनेछ ।

लगानीकर्ताले सी–आस्वा सदस्य बैंक तथा वित्तीय संस्था र तिनका शाखा कार्यालयहरुबाट न्युनतम २५ कित्तादेखि अधिकतम १० लाख कित्तासम्मका लागि आवेदन दिन सक्नेछन । बैंकको ऋणपत्र बिक्री प्रबन्धक मेगा क्यापिटल मार्केट्स लि. रहेको छ ।

२०७८ जेठ १७ गते प्रकाशित