काठमाडौं । एमएडब्ल्यू वृद्धि मोटर्सले नेपालको विद्युतीय सवारी बजारमा उत्साह थप्ने उद्देश्यसहित डोङफेङ ब्रान्डअन्तर्गतका नामी र सेरेस गाडीहरूमा “इज अन वालेट” नामक विशेष अफर घोषणा गरेको छ। यो अफर बजेट घोषणाअघि, जेठ ११ देखि १५ गतेसम्मको सीमित अवधिका लागि नेपालभर लागू गरिएको हो।

“इज अन वालेट” अफरअन्तर्गत ग्राहकहरूले नामी र सेरेस ब्रान्डका नयाँ ईभी मोडलहरू आकर्षक मूल्यमा प्राप्त गर्नुका साथै विविध प्रिमियम सुविधाहरूको लाभ लिन सक्नेछन्। कम्पनीका अनुसार, यो अफरले विद्युतीय सवारी अपनाउने निर्णयलाई थप सहज, किफायती र रोमाञ्चक बनाउनेछ।

यस अफर अन्तर्गत उपलब्ध प्रमुख सुविधाहरूमा 7 kW र 3.5 kW क्षमताका चार्जरहरू, एक वर्षको अटो-प्लस बीमा, र एक वर्षको सवारी कर समावेश छन्। साथै, ग्राहकहरूले निःशुल्क एसेसरीज, हरेक टेस्ट ड्राइभमा विशेष उपहार, र प्रत्येक बुकिङमा माउन्टेन फ्लाइटको अवसर पाउनेछन्।

चार भाग्यशाली ग्राहकहरूले अन्नपूर्ण बेस क्याम्पको हेलिकप्टर यात्रा जित्ने अवसरसमेत प्राप्त गर्नेछन् – जुन यो अफरलाई थप रोमाञ्चक बनाउने प्रमुख आकर्षण हो।

एमएडब्लू वृद्धि मोटर्सले नेपालभर रहेका नामी र सेरेस शोरूम तथा अधिकृत डिलरमार्फत यो अफर उपलब्ध गराइरहेको छ। कम्पनीले मूल्य वृद्धि हुनुअघि यो सुवर्ण अवसरको लाभ लिन सबै इच्छुक ग्राहकहरूलाई आग्रह गरेको छ।