मुगु । बेरोजगारीको कारण दैनिक ३० देखि ४० जनासम्म मुगुका युवाहरु विदेशिने गरेको तथ्यांक छ । विदेशिनेको संख्या घटाउने उद्देश्यले छाँयानाथ रारा नगरपालिकाले नयाँ कार्यक्रम संचालन गरिरहेको छ । बेरोजगार युवा युवतीहरुलाई स्वरोजगार र आत्मनिर्भर बनाउने उद्देश्यले (ब्यवसाय र सिर्जनशील प्रशासन बिकास समृद्धि र शुसासन) युवा रोजगारीका लागि रुपान्तरण पहल परियोजना अन्तरगत संचालित कार्यक्रमले युवा जागरण ल्याएको छ ।

कार्य स्थलमा आधारित तथा जीवन उपयोगी सीप बिकासमा इलेक्ट्रिसियन तालिमले युवाहरु आशावादी समेत देखिएका छन् ।नगरपालिका भित्र रहेका ३,४,५ र ११ वडामा ४० जना युवालाई ५० दिने तालिमबाट सीप सिकेर बेरोजगारलाई स्वरोजगार र उद्यमी बनाउने अभियान सुरु गरिएको हो ।
उक्त परियोजना अन्तर्गत हाउस वायरिङ, ईलेक्ट्रिसियन तालिम आयोजना गरिएको हो । सीप सिक्ने युवालाई प्रति दिन पाँचसय ६८ रुपैयाँको दरले प्रतिब्यक्ति ३३ हजार आर्थिक सहयोग समेत प्रदान गरिएको छ ।

आगामी बर्ष ड्राइभिङ, सिलाइ–कटाइ, मोवाइल मर्मत कम्प्युटर सम्बन्धि लोक सेवा कक्षालगायतका कार्यक्रमहरु अघि सार्ने योजना राखिएको नगर प्रमुख बिस्नु कुमार भामले बताए । बेरोजगारलाई उद्यमशीलतातर्फ उन्मुख गराउन, स्वरोजगार बनाउन र विदेश हुने पलायन दर रोक्न संघीय र प्रदेश सरकार तथा सबै पालिकासंग सहकार्य गरेर प्रदेशभरका जिल्लाहरुका काम काम गर्दै आएको राप्ती शिक्षालय सुर्खेतका प्रतिनिधी जस बहादुुर बुढाले बताए ।

‘तालिम लिएर मात्र हुँदैन् यसका लागि आफूपनि केही मेहेनत गर्नुपर्ने हुन्छ । तालिमपछि रोजगारी पाएको सुन्न पाइयोस भन्ने अपेक्षा राखिएको छाँयानाथ रारा नगरपालिका रोजगार शाखा प्रमुख नेत्र बहादुर बुढाले बताए ।