काठमाडौं । नेपाल स्टक एक्सचेञ्जमा नेपाल इन्स्योरेन्सको शेयरमूल्य समायोजन भएको छ। साधारण सभा तथा लाभांश वितरण प्रयोजनार्थ इन्स्योरेन्सले बुकक्लोज गरेसँगै नेप्सेले शेयरमूल्य समायोजन गरेको हो।

इन्स्योरेन्सको १५ प्रतिशत बोनस शेयर पश्चात मूल्य समायोजन भएको हो। समायोजनपश्चात इन्स्योरेन्सको शेयरमूल्य प्रतिकित्ता ८६५ रुपैयाँ ३० पैसा कायम भएको छ।

बुधबार इन्स्योरेन्सको शेयर प्रतिकित्ता ९९५ रुपैयाँ १० पैसामा अन्तिम कारोबार भएको थियो।

इन्स्योरेन्सले चैत १९ गते मंगलबार नेपाल प्रज्ञा प्रतिष्ठान कमलादीमा वार्षिक साधारण सभा बोलाएको छ।