काठमाडौं । जगदम्बा मोटर्स प्रा. लिले नेपाली बजारमा टीभीएस एनटर्क रेस एक्सपी ब्ल्याक नामक नयाँ १२५ सीसी स्कुटर सार्वजनिक गरेको छ। यसमा १० पीएस भन्दा माथिको पावरको क्षमतासँगै पावर, स्टाइल र आधुनिक प्रविधिको संयोजन गरिएको छ।

नेपालमा पहिलोपटक, यस स्कुटरले भ्वाइस असिस्ट टेक्नोलोजी ल्याएको छ, जसले २० भन्दा बढी भ्वाइस कमान्ड मार्फत स्मार्ट कनेक्ट एपको सहज इन्टरेक्शन सम्भव बनाउँछ। साथै, यसमा डुअल राइड मोड – स्ट्रीट मोड र रेस मोड सहित, रेस मोडमा ० देखि ६० किलोमिटर प्रतिघण्टाको गति ८.३ सेकेन्डमा प्राप्त गर्ने क्षमता छ।

टीभीएस एनटर्क रेस एक्सपी ब्ल्याकको रेस इन्स्पायर्ड डिजाइन, म्याट ब्ल्याक फिनिश र एयरोडायनामिक ग्राफिक्सले यसलाई एक आकर्षक र उच्च प्रदर्शन गर्ने स्कुटर बनाएको छ।

जगदम्बा मोटर्सका कार्यकारी निर्देशक अखिल गुप्ताका अनुसार, “यो केवल स्कुटर मात्र होइन, यो एउटा स्टेटमेन्ट हो, जसले सहरी गतिशीलता र आधुनिक प्रविधिलाई नयाँ परिभाषा दिएको छ।”टीभीएसका उच्च प्रदर्शन भएका सवारीहरू नेपालमा १५० भन्दा बढी डिलरहरूमार्फत वितरण गरिन्छ र यसले उच्च-गुणस्तरीय उत्पादन र बिक्री पछिको उत्कृष्ट सेवा प्रदान गर्दै बजारमा आफ्नो प्रभाव कायम राखेको छ।