काठमाडौँ । भन्सार एजेन्टको लिखित परीक्षा स्थगित भएको छ । नयाँ भन्सार एजेन्टको लिखित परिक्षा विभागले जेठ २२ गतेका लागि तोकेको थियो ।

विभागले चैत १६ गते सूचना जारी गरी जेठ २२ गतेका लागि तोकिएको भन्सार एजेन्टको लिखित परीक्षा अब अर्को सूचना जारी नभए सम्मका लागि स्थगित जनाएको छ ।

परिक्षा कोरोना भाइरसको संक्रमण दर तीव्र गतिमा फैलिरहेकाले तत्काललाई स्थगित गरिएको हो । अर्को परीक्षा मिति तोकर सूचना जारी हुने विभागले जनाएको छ । तर, अब अर्को पटक परीक्षा हुनु १५ दिन अगाडी नै सूचना जारी गर्ने विभागले जनाएको छ ।

विभागले २० वर्षपछि ६६० जना भन्सार एजेन्ट थप गर्ने निर्णय अनुसार लिखित परीक्षा लिन सूचना निकालेको थियो । लिखित परीक्षा र अन्तर्वार्तामा पास भएपछि ७ लाख रुपैयाँ धरौटी राखी एजेन्ट लाइसेन्स लिन सकिने प्रावधान छ ।

२०७८ जेठ ७ गते प्रकाशित