काठमाडौं । क्रेष्ट माइक्रो लाइफ इन्स्योरेन्सलाई नेपाल धितोपत्र बोर्डले आइपीओ ल्याउने अनुमति दिएको छ ।

कम्पनीले अकिंत मूल्य १ सय रुपैयाँमा ७५ लाख कित्ता बराबरको ७५ करोडको आइपीओ निष्कासन गर्नेछ । कम्पनीको बिक्री प्रबन्धकमा प्रभु क्यापिटल रहेको छ ।

कम्पनीले गरिब तथा निमुखा वर्गलाई लक्षित गर्दै तिनीहरूलाई वित्तीय सुरक्षाको पहुँचमा पुराउने महत्वपूर्ण भूमिका निर्वाह गरेको छ । ग्रामीण भेगमा वित्तीय सेवा पुराउन सफल हुँदै क्रेस्टले आफ्नो सामाजिक उत्तरदायित्वलाई पनि प्रभावकारी रूपमा पूरा गरेको छ।

कम्पनीको प्रधान कार्यालय सुर्खेतमा अवस्थित छ भने दर्ता कार्यालय ललितपुरको सानेपामा रहेको छ । हालसम्मा २३ शाखा र १,००० भन्दा बढी एजेन्टहरूको सञ्जाल विस्तार गर्दै कम्पनीले आफ्नो सेवा ग्रामीण समुदायसम्म पुराउन सफल भएको छ ।