काठमाडौं । चालु आर्थिक वर्षको पाँच महिनामा जीवन बीमा कम्पनीहरूले साढे ६५ अर्ब माथि कुल बीमाशुल्क आर्जन गरेका छन् ।

नेपाल बीमा प्राधिकरणको तथ्यांक अनुसार बीमा कम्पनीहरूले चालु आवको (साउनदेखि मंसिर) मसान्तसम्ममा ६५ अर्ब ७४ करोड रुपैयाँ कुल बीमाशुल्क आर्जन गर्न सफल भएका हुन् ।

सार्वजनिक त्थ्यांक अनुसार मंसिर मसान्तसम्ममा सबैभन्दा बढि बीमा व्यवसाय गर्ने नेपाल लाइफ इन्स्योरेन्स रहेको छ । कम्पनीले १७ लाख २३ हजार ३३९ बीमा पोलिसी जारी गरेर १८ अर्ब ७६ करोड रुपैयाँ कुल बीमाशुल्क आर्जन गरेको छ।

दोस्रोमा नेशनल लाइफ कम्पनी रहेको छ । कम्पनीले ९१ हजार ६४३ बीमा पोलिसी जारी गरेर ७ अर्ब ९८ करोड रुपैयाँ कुल बीमाशुल्क आर्जन गर्न गरेको हो ।

तेस्रोमा नेशनल लाइफ रहेको छ। कम्पनीले पाँच महिनाको अवधिमा ७ अर्ब ६६ करोड रुपैयाँ कुल बीमाशुल्क आर्जन गर्न सफल भएको छ।

चौथौमा हिमालयन लाइफ रहेको छ । कम्पनीले यस अवधिमा ६ अर्ब ७९ करोड रुपैयाँ कुल बीमाशुल्क आर्जन गर्न सफल भएको छ।

साउनदेखि मंसिर महिनासम्ममा बीमा प्राधिकरणको तथ्यांक अनुसार सूर्य ज्योति लाइफले ३ अर्ब ९९ करोड, एशियन लाइफले ३ अर्ब ३३ करोड, सिटिजन लाइफले २ अर्ब ६५ करोड, सानिमा रिलायन्स लाइफले २ अर्ब ५९ करोड रुपैयाँ कुल बीमाशुल्क आर्जन गर्न सफल भएका छन् ।

तयस्तै सोहि अवधिमा मेट लाइफले २ अर्ब ३३ करोड, राष्ट्रिय जीवन बीमा कम्पनीले २ अर्ब २५ करोड, प्रभु महालक्ष्मी लाइफले १ अर्ब ९४ करोड, रिलायबल नेपालले १ अर्ब ९२ करोड, आइएमई लाइफले १ अर्ब ८९ करोड रुपैयाँ र सन नेपाल लाइफले १ अर्ब ५७ करोड रुपैयाँ कुल बीमाशुल्क आर्जन गर्न सफल भएका छन् ।