नेको इन्स्योरेन्सले पायो २५ प्रतिशत हकप्रद शेयर ल्याउने अनुमति
वि.सं.२०८१ पुस ९ मंगलवार
काठमाडौं । नेको इन्स्योरेन्सले कम्पनीले हाल कायम चुक्तापुँजीको २५ प्रतिशत हकप्रद शेयर निष्कासन गर्ने अनुमति पाएको छ।
नेपाल धितोपत्र बोर्डले नेको इन्स्योरेन्सलाई हकप्रद शेयर जारी गर्न आज अनुमति दिएको हो। बोडबाट अनुमति पाएपछि अब कम्पनीले आफ्ना शेयरधनीहरूलाई हकप्रद शेयर जारी गर्नेछ।
कम्पनीले कुल ५० करोड ३० लाख ९० हजार १५५ रुपैयाँको हकप्रद शेयर जारी गर्नेछ। जसअनुसार कम्पनीले १०० रुपैयाँ अंकित दरका कुल ५० लाख ३० हजार ९०१.५५ कित्ता हकप्रद शेयर जारी गर्नेछ।
नेपाल बीमा प्राधिकरणले निर्जीवन बीमा कम्पनीहरुको न्यूनतम चुक्तापुँजी २ अर्ब ५० रुपैयाँ कायम गरेको छ। नेको इन्स्योरेन्सको हालको चुक्तापुँजी २ अर्ब १ करोड रहेको छ।
हकप्रद शेयर बिक्रीपछि कम्पनीको चुक्तापुँजी २ अर्ब ५१ करोड रुपैयाँ पुग्नेछ। कम्पनीको हकप्रद बिक्री प्रबन्धकमा सानिमा क्यापिटल रहेको छ।
प्रकाशित समय : १६:२० बजे
