काठमाडौं ।  नेपाल राष्ट्रिय व्यवसायी महासंघको तेस्रो राष्ट्रिय महाधिवेशन आगामी पौष ६ गते हुने भएको छ ।

महासंघको सातौ साधरण सभा तथा तेस्रो राष्ट्रिय महाधिवेशन काठमाडौंमा सम्पन्न गर्ने तय भएको महासंघका महासचिव रत्न घिमिरेले जानकारी दिए ।

महासचिव घिमिरेका अनुसार महाधिवेशनले महाधिवेशन मार्फत नयाँ नेतृत्व समेत चयन गर्ने बताए । उनले महासंघको नयाँ नेतृत्व चयन गरी आगामी दिनमा दिनमा व्यवसायीक अधिकार स्थापित गर्न अझ शसक्त रुपमा क्रियाशिल हुने बताए ।

महासंघले कोरोना महामारीको त्रासमा बन्द सटरहरु खुलाउन, चिनियाँ नाकामा देखिएका समस्याहरु समाधान गराउन र उद्योगी व्यवसायीहरुको हितमा आवाज वुलन्द गर्ने विषयमा महासंघले सधै अग्रपंक्तिमा रहेर नेतृत्वदायी भूमिका खेल्दै आएको महासचिव घिमिरेको भनाई छ ।

उनले महासंघ स्थापना कालदेखि नेपाली उद्योगी व्यवसायीको हकहित र अधिकारका लागि निरन्तर क्रियाशिल रहँदै आएको छ ।

बैंक तथा वित्तीय संस्थाहरुले लिने ऋणको ब्याजदर,घरबहालको विषयमा देखिएका समस्याहरु समाधान गर्नका लागि पनि महासंघले निरन्तर रुपमा नेतृत्वदायी भूमिका निर्वाह गर्दै आएको अध्यक्ष कुमार कार्कीले बताए ।

उनले समस्यामा परेका उद्योगी व्यवसायीहरुका हितमा महासंघ संधै अग्रपतिमा रहेको काम गरिरहेको बताए । अध्यक्ष कार्कीले महासंघले आगामी दिनमा समेत उद्योगी व्यवसायीहरुका लागि सहज औद्योगिक एवं व्यवसायीक वातावरण निर्माणका लागि भूमिका खेल्न सक्ने नयाँ नेतृत्व महाधिवेशनबाट चयन गरिने जानकारी दिए ।