काठमाडौं । चालु आर्थिक वर्षको तिन महिनामा विभिन्न भन्सार कार्यलबाट ३ खर्ब ९० अर्ब ७५ करोड २३ लाख रुपैयाँ बढिको वस्तु तथा सेवा आयत भएको छ ।

भन्सार विभागले सावर्जनिक गरेको तथ्यांक अनुसार साउनदेखि असोज महिनासम्म विभिन्न भन्सार कार्यलयबाट ३८ अर्ब ३७ करोड ८७ लाख रुपैयाँको मात्र वस्तु तथा सेवा निर्यात भएको देखिन्छ । सावर्जनिक तथ्यांक हेर्दा यो तिन महिनामा नेपालमा आयात भन्दा निर्यात कम भएको छ ।

यो तिन महिना साउनदेखि असोजसम्म सबै भन्दा बढि १ खर्ब २७ अर्ब ८९ करोड ३६ लाख रुपैयाँ बढिको वस्तु तथा सेवाको आयात भएको छ भने ७ अर्ब ५७ करोड ६२ लाख रुपैयाँको निर्यात भएको छ ।

त्यसैगरी बढि आयात हुने दोस्रो नम्बरमा भैरहवा भन्सार कार्यलयबाट ६३ अर्ब ५० करोड ६५ लाख रुपैयाँको वस्तु तथा सेवा आयात भएको छ भने ३ अर्ब ८ करोड ९० लाख रुपैयाँको मात्रै निर्यात भएको तथ्यांकले देखाएको छ ।

यता ड्राइपोट भन्सार कार्यलयबाट ५५ अर्ब ४४ करोड ८९ लाख रुपैयाँको आयात भएको छ भन्ने बिरगन्ज भन्सार कार्यलयबाट ४१ अर्ब ९१ करोड ३० लाख रुपैयाँको आयात भएको हो ।

त्यसैगरी त्रिभुवान अन्तराष्ट्रिय एरपोटबाट ३० अर्ब ६० करोड रुपैयाँको आयात भएको छ भने रसुवा भन्सार कार्यलयबाट १६ अर्ब ७१ करोड ७ लाख तातो पानी भन्सार कार्यलयबाट १२ अर्ब ३५ करोड ४२ लाख, नेपालगञ्ज भन्सार कार्यलयबाट १५ अर्ब ९३ करोड ६६ लाख, मेची भन्सार कार्यलयबाट १० अर्ब ५५ करोड २५ लाख, कैलाली भन्सार कार्यलयबाट ५ अर्ब ११ करोड ४२ लाख र जलेश्वर भन्सार कार्यलयबाट २ अर्ब ९३ करोड ३८ लाख रुपैयाँको वस्तु तथा सेवा आयात भएको सावर्जनिक तथ्यांकमा छ ।