प्रेसर कुकरले हानेर श्रीमतीको हत्या
वि.सं.२०७८ जेठ १ शनिवार
काठमाडौं । रुपन्देहीमा आफ्नै श्रीमतीको हत्या गरेको अभियोगमा श्रीमान पक्राउ परेका छन् । आफ्नै २५ वर्षीया श्रीमती बिमला परियार चौधरीको हत्या गरेको अभियोगमा शुद्धोधन गाउँपालिका५ कुमारी बस्ने ३४ वर्षीय रामनारायण थारुलाई शुक्रवार प्रहरीले पक्राउ गरेको हो ।
घरायसी विवादका कारण थारुले मादक प्रदार्थ सेवन गरी बिमलालाई खाना पकाउने प्रेसर कुकरले टाउकोमा प्रहार गर्दा घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय रुपन्देही र ईलाका प्रहरी कार्यालय छपियाबाट खटिएको प्रहरीले थारुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताएको छ ।
प्रकाशित समय : ०५:५४ बजे
