साताको अन्तिम कारोबार दिन: सेयर बजार एकाएक बढ्यो, कुनको कति भयो कारोबार ?
वि.सं.२०८१ भदौ २७ बिहीवार
काठमाडौं । साताको अन्तिम कारोबार दिन बजारमा उछाल आएको हो ।
बिहीबार बजार ७८.१७ अंकले बढेको छ । आज बजार परिसूचक २ हजार ६८८.३८ अंकको बिन्दुमा पुगेर बन्द भएको छ ।
उक्त दिन म्युचुअल फन्ड बाहेकका सबै समूहहरु हरियाली बनेका छन् । उक्त दिन जलविद्युत समूह ३४.२४ प्रतिशत, जीवन बीमा समूह ३.४६ अन्य इन्डेक्स ३.८२ प्रतिशत वृद्धि भएको छ ।
उक्त दिन कारोबार रकम पनि बढेको छ । बुधवार ७ अर्ब बराबरको कारोबार भएको थियो । तर, आज ८ अर्ब १६ करोड ९२ लाख रुपैयाँ बराबरको सेयर किनबेच भएको छ ।
उक्त दिन सीईडीबी हाइड्रोपावर कम्पनीको सर्वाधिक सेयर किनबेच भएको छ । आज कम्पनीको ४७ करोड ६५ लाख ८ हजार रुपैयाँ बराबरको सेयर खरिदबिक्री भएको हो ।
यस्तै, हिमालयन रिइन्स्योरेन्सको पनि २४ करोड ४८ लाख र एनआरएन इन्फ्रास्ट्रक्चर एण्ड डेभलपमेन्टको २४ करोड १२ लाख ८७ हजार रुपैयाँ बराबरको सेयर खरिदबिक्री भएको छ ।
प्रकाशित समय : १५:२३ बजे
