काठमाडौं । गत आर्थिक वर्षको चौथो त्रैमाससम्म फरवार्ड माइक्रोफाइनान्सले उल्लेख्य प्रगति गरेको छ ।

असार मसान्तसम्म संस्थाले ३२ करोड १३ लाख ९७ हजार रुपैयाँ खुद नाफा आर्जन गरेको छ । यो अघिल्लो आर्थिक वर्षको सोही अवधिमा ३०८.७२ प्रतिशतले बढी हो । अघिल्लो वर्षको यसैअवधिमा यसले ७ करोड ८६ लाख ३५ हजार रुपैयाँ खुद नाफा कमाएको थियो ।

खुद ब्याज आम्दानी ८.०१ प्रतिशतले बढेर १ अर्ब २१ करोड ७२ लाख ९८ हजार रुपैयाँ पुगेको छ । सञ्चालन नाफा २९९.४१ प्रतिशतले बढेर ४६ करोड ३५ लाख ३३ हजार रुपैयाँ पुगेको छ ।

संस्थाको इम्पेयरमेन्ट चार्ज घटेर ३८ करोड ५९ लाख ८४ हजार रुपैयाँ पुगेको छ । अघिल्ला असार मसान्तमा ५४ करोड १ लाख ३२ हजार रुपैयाँ रहेको थियो । वितरणयोग्य नाफा २६ करोड ६५ लाख रुपैयाँ देखिएको छ ।

चुक्ता पुँजी १ अर्ब ५ करोड ५५ लाख ६३ हजार रुपैयाँ रहेको यसको जगेडा कोषमा १ अर्ब ७२ करोड ८१ लाख रुपैयाँ जम्मा रहेको छ । संस्थाको प्रतिसेयर आम्दानी ३०.४५ रुपैयाँ रहेको छ । प्रतिसेयर नेटवर्थ भने २८८.९६ रुपैयाँ छ । एनपीएल ६.८१ प्रतिशत कायम भएको छ ।