दशैंमा नगद सर्कुलेसन ५७ अर्ब रुपैयाँले वृद्धि
वि.सं.२०७९ असोज २५ मंगलवार
काठमाडौं । दशैंमा ५७ अर्ब रुपैयाँले नगद सर्कुलेसन वृद्धि भएको छ । २६ भदौबाट नयाँ नोट सटही सुविधासँगै बढ्न लागेको नगद सर्कुलेसन २३ असोजसम्म ५७ अर्बले वृद्धि भएको नेपाल राष्ट्र बैंकले जनाएको छ । २६ भदौ अगाडि ६ खर्ब ७ अर्ब रहेको नगद सर्कुलेसन २३ असोमा ६ खर्ब ६४ अर्ब रुपैयाँ पुगेको हो ।
यस्तै्गरि दशैंका लागि साना र ठूला दरको ५० अर्बको नोट सटही गरेको केन्द्रीय बैंकले दशैंका लागि साना दरको (५ देखि १०० रुपैयाँ सम्मका) १५ अर्ब र ठूला दरको (५०० र १००० दरका) ३५ अर्बको नोट सहटी भएको राष्ट्र बैंकले जनाएको छ ।
यस्तै दशैंमा बैंकिङ प्रणालीबाट १३ अर्ब भन्दा बढी निक्षेप बाहिरिएको छ । दशैंको अगाडि १३ असोजमा ५१ खर्ब २७ अर्ब ९६ करोड रहेकोमा २३ असोजमा ५१ खर्ब १४ अर्ब ८२ करोडमा झरेको हो ।
प्रकाशित समय : १०:५८ बजे
