तपाईको खातामा आयो त ३० प्रतिशत बोनस सेयर ?, आएको छैन् भने यसो गर्नुहोस्
वि.सं.२०७९ जेठ २४ मंगलवार
काठमाडौं । सपोर्ट लघुवित्त वित्तीय संस्थाले बोनस सेयर वितरण सुरु गरेको छ । कम्पनीले ३० प्रतिशत बोनस सेयर सम्बन्धित सेयरधनीहरूको हितग्राही खातामा जम्मा गरेको हो ।
एक सूचना निकाल्दै गत पुस १० गते सम्पन्न सातौं वार्षिक साधारण सभाबाट पारित उक्त बोनस सेयर कम्पनीले हितग्राही खातामा जम्मा गरिदिएको जनाएको छ ।
२०७८ साल मंसिर ३० गतेसम्म सेयर अभौतिकीकरण गराएका सदस्यहरूको बोनस शेयर हितग्राही खातामा जम्मा गरिसकिएको र त्यसपछि सेयर अभौतिकीकरण गराएका सदस्यको हकमा क्रमश गराउँदै जाने भएकाले हालसम्म शेयर अभौतिकीकरण नगराएकाहरूलाई यथासिघ्र गराउन कम्पनीले अनुरोध गरेको छ ।
प्रकाशित समय : १३:४० बजे
