काठमाडौंको मेयरमा बालेन साहको फराकिलो मतले अग्रता कायमै:अहिलेसम्मको मत परिणाम हेर्दा देखियो बालेनकै जित
वि.सं.२०७९ वैशाख ३१ शनिवार
काठमाडौँ। काठमाडौं महानगरपालिकाको जारी मतगणनामा स्वतन्त्र उम्मेदवार बालेन साहले आग्रतालाई कायम गर्दै ४ सय ८० मत प्राप्त गरेका छन् ।
राष्ट्रिय सभा गृहमा जारी मतगणनामा कांग्रेसकी सिर्जना सिंहले पछ्याइरहेकी छन् । सिंहले २ सय ८० मत प्राप्त गरेकी छिन् । एमालेका उम्मेदवार केशव स्थापितले २ सय मत प्राप्त गरेका छन् ।
त्यसैगरी स्वतन्त्र उम्मेदवार सुमन सायमीले ७९ र राप्रपाका उम्मेदवार मदनदास श्रेष्ठले २४ मत प्राप्त गरेको अधिकारीहरुले जनाएका छन् ।
काठमाडौैं महानगरपालिकामा ६४ प्रतिशत मतदान भएको थियो । महानगरपमा ३ लाख २ सय ४२ मतदातामध्ये १ लाख ९० हजार १ सय ७० जनाले मत खसालेका थिए ।
प्रकाशित समय : १७:२६ बजे
