यस कारण रौतहटको यमुनामाईमा स्थानीयले मतपेटिका बोकेर भागे
वि.सं.२०७९ वैशाख ३० शुक्रवार
रौतहट । रौतहटको यमुनामाई गाउँपालिकामा मतपेटिका लुटपाट भएको छ । यमुनामाई गाउँपालिकाको वडा नम्बर १ को चिकना जेठरहिया ‘क’ मतदान स्थल र वडा नम्बर २ को एक मतदान स्थलबाट मतपेटिका भर्खरै लुटिएको हो ।
यमुनामाईमा जनता समाजवादी पार्टी, नेपाली कांग्रेस र नेकपा एमालेका कार्यकर्ताबीच पटक-पटक झडप भएको थियो ।
तर मतदान स्थलमा हुलदंगा भएको र आक्रोसित भीडले मतदान केन्द्र कब्जामा लिएर मतदान भएको र बाँकी रहेको मतपत्र च्यात्नुका साथै मतपेटिका तोडफोड समेत गरेको स्रोतले जनाएको छ।
त्यसैक्रममा केहीले मतपेटिका समेत लिएर भागेका थिए। पानी हालेको अवस्थामा मतपेटिका बरामद भएको प्रहरीले जनाएको छ ।
दुवै स्थानमा मतदान रद्द गरिएको भएको निर्वाचन अधिकृत हरिप्रसाद शर्माले जानकारी दिएका छन् ।
प्रकाशित समय : १८:४५ बजे
