सिईओ दाहालको अवकासपछि सानिमा बैंकको सिइओमा निश्चलराज पान्डेको इन्ट्री
वि.सं.२०७८ मंसिर २० सोमवार
काठमाडौँ । सानिमा बैंकका प्रमूख कार्यकारी अधिकृत भुवनकुमार दाहालको दुई कार्यकाल सकिदै गर्दा सोही पदमा निश्चलराज पान्डे नियुक्त भएका छन् ।
माघ ११ गते सिईओ दाहालको कार्यकाल सकिएसँगै माघ १२ गतेदेखि जिम्मेवारी सम्हाल्ने गरि पाण्डेको नियुक्त भएका हुन् ।
उनले दुई कार्यकाल सानिमा बैंकमा विताए । बैंक तथा वित्तिय संस्था ऐन (बाफिया) बमोजिम कुनैपनि बैंकमा सिइओ नियुक्ति भएपछि उसले २ कार्यकाल भन्दा बढी बस्न मिल्दैन । अन्य बैंकमा सिइओको पदमा नै जानु परेपनि ६ महिनाको कुलिङ पिरियड लागु हुनेछ ।
पाण्डे यसअघि विभागीय प्रमुखको जिम्मेवारीमा थिए। उनलाई प्रमुख कार्यकारी अधिकृत बनाउने भएपछि बैंक सञ्चालक समितिले डेपुटी प्रमुख कार्यकारी अधिकृतमा बढुवा गरिसकेको छ।
पान्डे हाल डेपुटी सिइओको रुपमा सानिमा बैंकमा छन् । तर सानिमा बैंकमा नै उनीभन्दा सिनियर डेपुडी प्रमुख कार्यकारी अधिकृतको जिम्मेवारीमा नै रहेका तेजबहादुर चन्द छन्।
तर उनलाई छोडेर बैंक सन्चालक समितिले पाण्डेलाई सिइओ नियुक्ति गरेको हो । उनी नविलमा लामो समय काम गरेर करिव ८ बर्षअघि सानिमा बैंकमा गएका हुन् ।
प्रकाशित समय : १४:४६ बजे
