काठमाडौँ । नेशनल माइक्रोफाइनान्स लघुवित्त वित्तीय संस्था लिमिटेडका लगानीकर्ताले ४५ प्रतिशत लाभांश पाउने भएका छन् । लघुवित्तले गत आर्थिक बर्षको नाफाबाट सोही लाभांश वितरण गर्ने भएको हो । लघुवित्तको मंसिर १ बसेको सञ्चालक समितिको बैठकले शेयरधनीहरुलाई ४५ प्रतिशत लाभांश वितरण गर्ने घोषणा गरेको हो ।

लघुवित्तले हाल कायम चुक्ता पूँजीको ४० प्रतिशत बोनस शेयर र कर प्रयोजनार्थका लागि ५ प्रतिशत नगद लाभांश गरी कुल ४५ प्रतिशत लाभांश वितरण गर्ने घोषणा गरेको हो ।

लघुवित्तले प्रस्ताव गरेको उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ ।

हाल लघुवित्तको चुक्ता पूँजी ४१ करोड ९० लाख ५३ हजार ५५२ रुपैयाँ ५० पैसा रहेको छ । ४० प्रतिशत बोनस शेयर वितरणपश्चात लघुवित्तको चुक्ता पूँजी ५८ करोड ६७ लाख ७४ हजार ९७३ रुपैयाँ ५० पैसा पुग्नेछ ।